Múrájat ushın isenim telefonı

background

Qońırat samal elektr stanciyasınıń hawa elektr uzatıw tarmaǵınıń bir bólegi Shomanay rayonı boylap ótedi

Qońırat samal elektr stanciyasınıń hawa elektr uzatıw tarmaǵınıń bir bólegi Shomanay rayonı boylap ótedi

Ózbekstan Respublikası Prezidentiniń «Qaraqalpaqstan Respublikasınıń Końırat rayonında quwatlılıǵı 500 MVt bolǵan samal elektr stanciyasın, quwatlılıǵı 100 MVt bolǵan elektr energiyasın saqlaw sistemasın, quwatlılıǵı 500 MVt bolǵan podstanciya hámde hawa elektr uzatıw tarmaǵın qurıw (Kungrad Wind 2)» investiciya joybarların ámelge asırıw is-ilajları haqqında»ǵı qararı qabıl etildi.
Qararǵa tiykar «ACWA Power Company (Saudi Listed Joint Stock Company)» (Saudiya Arabstanı) kompaniyası tárepinen «Qaraqalpaqstan Respublikasınıń Końırat rayonında quwatlılıǵı 500 MVt bolǵan samal elektr stanciyası, quwatlılıǵı 100 MVt bolǵan elektr energiyasın saqlaw sisteması,

quwatlılıǵı 500 MVt bolǵan podstanciya hámde hawa elektr uzatıw tarmaǵın qurıw (Kungrad Wind 2)» joybarı sheńberinde Ózbekstan Respublikasında «ACWA Power Kungrad Wind 2» JShJ JMK shólkemlestiriledi.
Shomanay rayonı hákimi B.Yangibaev, «ACWA Power» kompaniyasınıń Qaraqalpaqstandaǵı Sociallıq-ekonomikalıq hám ekologiyalıq ekpertiza boyınsha joybar menedjeri Sh.Asanova menen ushırastı.
Ushırasıwda Saudiya Arabstanınıń «ACWA Power» kompaniyası tárepinen respublikamızdaǵı Ústirt tegisliginde qurılıwı rejelestirilgen samal elektr stanciyası joybarın ámelge asırıw, bul baǵdarda samal elektr stanciyasın respublikamızdıń milliy elektr stanciyasına qosıw ushın «ACWA Power» kompaniyası Qonırattaǵı samal stanciyasınan Buxara wálayatı Qarakól rayonına shekem bolǵan 844 km 500 kV hawa elektr uzatıw liniyasın quradı.
Bunnan málim bolǵanınday bul joqarı kerenewdegi hawa liniyasınıń málim bólegi Shomanay rayonı aymaǵınan ótedi. Usı múnásibet penen hawa elektr uzatıw liniyası ótetuǵın aymaqlardı belgilew, fermer xojalıqları jerlerinen ótiwi menen olarǵa beriletuǵın konfesatciyalar hám basqada islenetuǵın ilajlar baǵdarında islenetuǵın jumıslar kelisilip alındı.
Usı joybar Qaraqalpaqstan Respublikası xalqı hám ekonomika tarmaqların energiya resursları menen turaqlı támiyinlew, elektr energiyasın islep shıǵarıwda tábiyǵıy gazden paydalanıwdı kemeytiw hámde qayta tikleniwshi energiya dereklerinen paydalanıw kólemin keńeytedi.

Skip to content