Búgin Shomanay rayonında Ózbekstan Respublikası Oliy Majlisi Nızamshılıq palatası deputatı Muxtar Ibragimov ózi saylaǵan okrugta bolıp, rayonlıq Keńesi deputatları, sıyasiy partiya wákilleri, tiyisli kárxana hám shólkem basshıları menen birgelikte xalıq penen ushırastı.
Atap aytqanda, Parlament tómengi palatası deputatı Muxtar Ibragimov Shomanay rayonı «Mamıy» awıl puqaralar jıyınında dáslep Xalıq deputatları Shomanay rayonlıq Keńesi sekretariatı menen birge sol aymaqtaǵı «Promservis Shumanay» JShJ iskerligin úyrendi.

Kúnniń ekinshi yarımında Nızamshılıq palatası deputatı M.Ibragimov puqaralar jıyını imáratında óz saylawshıları menen ushırasıp, deputatlıq iskerligi dawamında ámelge asırıp atırǵan jumısları, sońǵı jıllarda mámleketimiz turmısındaǵı jańalanıwlar hám de nızamshılıqtaǵı sońǵı ózgerisler haqqında maǵlıwmat berip ótti.
Ushırasıwdan soń deputat M.Ibragimov puqaralar menen jeke qabıllaw ótkerip, olardıń usınıs hám múrájatlerin tıńladı.
Saylawshılar tárepinen ishki jollardı ońlaw, ishimlik suwı menen támiyinlew hám sociallıq máseleler boyınsha múrájatlar kelip tústi. Deputat tárepinen bul mashqalalı máselerdi unamlı sheshiw maqsetinde anıq is-ilajlar belgilep alındı.
Shomanay rayonı hákimligi málimleme xızmeti.
@shomanay_rayon