“Órt qáwipsizligi aylıǵı” sheńberinde

Qaraqalpaqstan Respublikası Ayrıqsha jaǵdaylar basqarması baslıǵı orınbasarı polkovnik M.S.Seydullaev basshılıǵında Shomanay rayonında jaylasqan kóp kvartiralı turaq jaylardıń gúz-qıs máwsimine tayarlıǵı kózden ótkerildi

Atap aytqanda, Shomanay rayonı Mádeniyat mákan puqaralar jıyını aymaǵındaǵı 1-2-3-4-5-kóp qabatlı jaylardıń jer tóleleri, tóbe shifer astı hám sol jerde jasawshı puqaralardıń turaq jayları, isitiw qazanları kórikten ótkerilip, puqaralarǵa ayrıqsha jaǵdaylardıń aldın alıw, órt qáwipsizligin támiynlew, iyis gazinen záharleniwin boldırmaw boyınsha profilaktikalıq túsindiriw jumısları alıp barıldı.

Sonday-aq, rayonlıq Mektepke shekemgi ham mektep bilimlendiriw bóliminiń májilisler zalında rayondaǵı ulıwma orta bilim beriw mektepleri pedagogları menen ushırasıw ótkerilip, iyis gazinen záhárleniwdiń aldın alıw, ótkerilip atırǵan 15-noyabrden 15-dekabr aralıǵında “Órt qáwipsizligi aylıǵı” iláji dawamında alıp barılıp atırǵan jumıslar haqqında keńnen túsinik berip,

jiynalǵanlardı ótkerilip atirǵan ilájǵa belsene qatnasıwǵa shaqırdı. Ushırasıwdan soń, mámleketlik sheriklik tárepinen qurılǵan “Mamıy” awıl puqaralar jıyınında jaylasqan 5-sanlı mekteptiń isitiw qazanları kórikten ótkerildi.

Shomanay rayonı hákimligi Málimleme xızmeti