Qaraqalpaqstan Respublikası birinshilerden bolıp metodik-tur shólkemlestiriw tájiriybesin jolǵa qoydı

❇️Qaraqalpaqstan Respublikası Mektepke shekemgi hám mektep bilimlendiriw ministrligi tárepinen 2023-jıl 17-noyabr sánesinen baslap, Qaraqalpaqstan Respublikasındaǵı bilim dárejesi joqarı bolmaǵan mekteplerge mánzilli metodikalıq xizmet kórsetiw boyınsha metodik-tur tártibin engizip, jańa pedagogikalıq hám zamanagóy texnologiyalar tiykarında oqıtıw, sırt el tájiriybelerin úyreniw hám olardıń metodların qollaw boyınsha tiyisli jumıslar ámelge asırıldı.

❇️Qaraqalpaqstan Respublikası Mektepge shekemgi hám mektep bilimlendiriw ministrligi tárepinen shólkemlestirilgen metodik-turdıń birinshi mánzili Shomanay rayonı MShMB bólimine qaraslı 30-sanlı ulıwma bilim beriw mektebi boldı.

❇️Nókis qalasındaǵı Prezident mektebi oqıtıwshı, Qubla Afrikalı Mr. Richard, Gercen atındaǵı Rossiya mámleketlik pedagogikalıq universitetiniń orıs tili metodisti O.Tulinova hám IT PARK Qaraqalpaqstan Respublikası filialı direktorı M.Elmuratovlar informatika hám programmalastırıw sisteması sonıń menen birge, STEAM sistemasındaǵı pánlerdi rawajlandırıw boyınsha túsinikler berip ótti.

❇️Respublikalıq bilimlendiriw orayı hám pedagoglardı jańa metodikalarǵa úyretiw milliy orayınıń pán metodistleri “Master klass” boyınsha oqıtıw sistemasın rawajlandırıw, “video sabaq” hám túrli kórinistegi slaydlar tayarlaw hám de programmalardı ózlestiriw tuwralı da maǵlıwmatlar berdi.

❇️Sonıń menen birge, ximiya, fizika, biologiya pánlerinen laboratoriya jumısların ámeliyatta kórsetip berdi. Robototexnika boyınsha túsinikler berilip, oqıwshılardıń dóretiwshilikke, jańalıqqa umtılıwları da sınaqtan ótkerildi. Metodistlerdiń tiykarǵı wazıypası oqıtıwshılardıń bilimlerin rawajlandırıw hám bilimlendiriw sistemasına engizilip atırǵan jańa texnologiyalardı úyretiwden ibarat boldı.