Xalıq deputatları Shomanay rayonlıq Keńesiniń jetpis toǵızınshı sessiyası bolıp ótti.

Búgingi sessiyamızǵa rayon sektor basshıları, siyasiy partiya wákilleri, hákim orınbasarları, tiyisli mákeme hám shólkem basshıları, awıl hám mákan puqaralar jıyını baslıqları hám ǵalaba xabar quralları wákilleri qatnastı. Sessiyaǵa Xalıq deputatları Shomanay rayonlıq Keńesiniń 21 deputatınan 18 deputat qatnastı.

“Jergilikli mámleketlik hákimiyat haqqında”ǵı Ózbekstan Respublikası Nızamınıń 17-statyasına muwapıq sessiya májilisiniń protokolın alıp barıw ushın sessiya xatkerin saylap aldı. Sessiya xatkerligine 4-Tashkent saylaw okruginen rayonlıq Keńes deputatı Esengeldiev Maxmud Nietbaevich usınıs etildi.

Sessiyamızdıń kún tártibine tómendegi máseleler kórip shıǵıldı.
1. Rayonlıq saylaw komissiyasınıń málimlemesi haqqında.
2. “Ózbekstan Respublikası Prezidentiniń 2023-jıl 16-fevraldaǵı “2023-jılda qayta tikleniwshi energiya dereklerin hám energiya tejewshi texnologiyalardı engiziwdi jedellestiriw is-ilájları tuwrısında”ǵı PQ-57-sanlı qararı haqqında”ǵı qararınıń orınlanıwın támiyinlew haqqında.
3. Ózbekstan Respublikası Prezidentiniń 2023-jıl 13-iyul kúngi «Qaraqalpaqstan Respublikası Ministrler Keńesi janında Máhállelerdi qollap-quwatlaw qorın shólkemlestiriw haqqında»ǵı PQ-228-sanlı qararınıń orınlanıw barısı haqqında.
4. Shomanay rayonı Ishki isler bóliminiń Jámiyetlik qáwipsizlik xızmeti huqıqbuzarlıqlar profilaktikası bólimshesi tárepinen 2023-jıldıń 10 ayı dawamında rayon aymaǵında jınayatshılıqqa qarsı gúresiw, onıń aldın alıw, jámiyetlik tártipti saqlaw hám puqaralardıń qáwipsizligin tamiyinlew barısında ámelge asırılǵan jumısları haqqında.
5. Xalıq deputatları Shomanay rayonlıq Keńesinde kórip shıǵılıw ushın usınılǵan basqa máseleler haqqında.

Usınıń menen Xalıq deputatları Shomanay rayonlıq Keńesiniń jetpis toǵızınshı sessiyası juwmaqlandı.