Májbúriy orınlaw byurosı Shomanay rayonlıq bólimi is júritiwindegi sudtıń orınlaw xatlarına tiykar, qarızdar G.G. den óndiriwshi N.S.nıń paydasına bir perzenti ushın, al, jáne bir qarızdar M.A.dan óndiriwshi D.M.nıń paydasına tárbiyasındaǵı úsh perzentiniń támiynatı ushın málim muǵdarda aliment óndiriliwi belgilengen.

Álbette bul orınlaw hújjetleri boyınsha ámelge asırılǵan tiyisli háreketler barısında qarızdarlarǵa bir-neshe márte eskertiwler berildi. Biraq usıǵan qaramastan, qarızdar ákeler tárepinen óz perzentleriniń támiynati ushın birde-bir som aliment pulı tólenbegen. Bunıń aqıbetinde, G.G.nıń qarızı 15 mln.som, al, M.A.nıń qarızı 7,4 mln.somnan asıp ketken. Sol sebepli, hár eki jaǵday boyınsha toplanǵan is hújjetleri sudqa ótkerildi. Nátiyjede, óz perzentleri támiynatı ushın aliment tólemegen eki qarızdarǵa da 15 sutka hákimshilik qamaq jaza sharası belgilendi.

Urazbaev Umar Seytmuratovich
MOB Shomanay rayonı bólimi baslıǵı ádillik keńesshisi