Shomanay rayonı Mektepke shekemgi hám mektep bilimlendiriw bólimi májilisler zalında Mektepke shekemgi hám mektep bilimlendiriw bólimi tárepinen alıp barılıp atırǵan jumıslar haqqında hám 2023-2024-oqıw jılında ámelge asırılıwı rejelestirilgen  jumıslar boyınsha “Ashıq sáwbet” shólkemlestirildi.

Ashıq sáwbetke Shomanay rayonlıq Xalıq deputatlar keńesiniń sekretariat baslıǵı A.Qutlımuratov, deputat B.Sagatov, Shomanay rayonı hákimliginiń Málimleme xızmeti baslıǵı Sh.Abdraxmanov, rayonlıq Mektepke shekemgi hám mektep bilimlendiriw bólimi baslıǵı N.Qurbaniyazov hám mektep hám mektepke shekemgi shólkem basshıları qatnastı.

Sáwbet dawamında Shomanay rayonındaǵı Mektepke shekemgi hám mektep bilimlendiriw bólimleriniń jetiskenlikleri hám de tarawda júz bergen qáte-kemshilikler haqqında sáwbet alıp barıldı. 2023-2024-oqıw jılında oqıwshılardıń rayon hám respublika kólemindegi jetiskenlikleri, Prezidentimiz tárepinen bilimlendiriw tarawı ushın úlken imkanıyatlar ashıp bergenı haqqında, sonday-aq mektep hám mektepke shekemgi bilimlendiriw shólkemi tek ǵana bilim beretuǵın orın bolıp qalmay, bárshemiz ushın joqarı ruwxıylıq besigine, perzentlerimizdiń balalıqtan baslap kásipke úyretiw bilim orayına aylanıwı zárúr ekenligi aytıp ótildi.

Sáwbet juwmaǵında deputatlar hám Mektepke shekemgi hám mektep bilimlendiriw bólimi baslıǵı mektep direktorları hám mektepke shekemgi bilimlendiriw shólkemi baslıqlarınıń pikir hám usınısların tıńladı.