Deputat óz saylawshıları aldında esabat berdi

Xalıq deputatları Shomanay rayonlıq Keńesine  4-sanlı “Tashkent” saylaw okruginen deputat, ÓzXDP deputatlıq toparı aǵzası M.Esengeldiev “Begjap” awıl puqaralar jıyını aymaǵındaǵı 24-sanlı ulıwma orta bilim beriw mektebinde saylawshılar menen ushırastı. Ushırasıwda deputat usı jıldıń 9 ayı dawamında deputatlıq iskerligi sheńberinde ámelge asırǵan jumısları haqqında óz saylawshılarına esabat berdi.

Tiykarınan, okrug aymaǵındaǵı mashqalalı máselelerge sheshim tabıw, “Temir dápter”, “Hayallar dápteri” hámde “Jaslar dápteri”ne kiritilgen shańaraqlar menen islesiw, jaslar hám hayal-qızlarlardıń bántligin támiyinlew boyınsha ámelge asırǵan jumısları tuwralı maǵlıwmat berdi. Ushırasıwda saylawshılar deputatqa aymaqtaǵı mashqalalı máseleler boyınsha bir qansha usınıslar bildirdi. Deputat bul máseleler boyınsha deputatlıq úyreniwler alıp baratuǵınlıǵın hám de tiyisliligi boyınsha juwapkerlerge deputatlıq sorawı menen shıǵatuǵınlıǵın málim etti.