Shomanay rayonı «Qarabaylı» mákan puqaralar jıyını aymaǵında is júritip atırǵan «Asadbek Bekpolatov» fermer xojalıǵı dala maydanlarında, dala shetlerine gúz aylarında tut, júzim hám miyweli nállerdi egiwdi shólkemleskenlik penen alıp barıw hám dala shetine egilgen maydanlarda agrotexnika ilajların óz waqıtında sapalı alıp barılıwı boyınsha kórgizbeli seminar bolıp ótti.

Seminarǵa Ózbekstan Respublikası Awıl xojalıǵı Ministriniń birinshi orınbasarı B.Toǵaev, Qaraqalpaqstan Respublikası Awıl xojalıǵı Ministri K.Nurımbetov,

Qaraqalpaqstan Respublikası  Suw xojalıǵı Ministriniń orınbasarı T.Madireymov, Awıl xojalıǵında xızmetler kórsetiw agentliginiń Qaraqalpaqstan Respublikası bólimi baslıǵı X.Achilov, Qaraqalpaqstan fermer, diyqan xojalıqları hám qıytaq jer iyeleri keńesi baslıǵı I.Yunusov, Ózbekstan Respublikası awıl-xojalıǵı pánleri doktor, professor Z.Ziyadullaev, Shomanay rayonı hákimi B.Yangibaev, sektor basshıları, awıl xojalıǵı mákeme, kárxana hám fermer xojalıqları baslıqları qatnastı.

Seminarda, Ózbekstan Respublikası Prezidentiniń “Awıl xojalıǵı kárxanaları dala shetlerindegi jer maydanlarında ónim jetistiriw sistemasın jetilistiriw ilajları haqqında”ǵı PQ-121-sanlı qararınıń mazmun-mánisi hám de maqset hám wazıypaların keńnen túsindirip ótti. Maǵlıwmat ushın, Shomanay rayonı fermer xojalıqları tárepinen 354 gektar uzınlıqta dala shetlerine tut, júzim hám basqa da miyweli nállerdi egiw rejelestirilgen.