Mámleketlik kadastrlar palatası Shomanay rayonı filialında ushırasıw ótkerildi

Ushırasıwda rayon hákimi másláhátshisi S.Palımbetova, Respublika Ruwxıy-aǵartıwshılıq orayı rayonlıq bólimi qánigesi A.Qádirberdievler qatnasıp, Ózbekstan Respublikası Prezidenti Sh.M.Mirziyoyevtiń 2020-jıl 20-oktyabrdegi “Mámleketimizde ózbek tilin elede rawajlandırıw hám til siyasatın jetilistiriw is-ilajları haqqında”ǵı PP-6084-sanlı Pármanı, Qaraqalpaqstan Respublikası Joqarǵı Keńesi Prezidiumınıń “Qaraqalpaq tilin jáne de rawajlandırıw hám til siyasatın jetilistiriw ilajları haqqında”ǵı 410-sanlı Qararı hám Ózbekstan Respublikası Ministrler Kabinetiniń 2021-jıl 10-fevral kúngi 61-sanlı qararınıń orınlanıwın támiyinlew maqsetinde úgit-násiyat jumısların alıp bardı.

1. Rayon hákimi másláhátshisi S.Palımbetova ushırasıwda rayon aymaǵındaǵı kartografiyalıq materiallar negizinde payda bolǵan kóshe taypaların mámleketlik reestr bazasına kiritiwde ushırap atırǵan mashqalalar boyınsha alıp barılıp atırǵan jumıslar haqqında  tiyisli taraw qánigeleri menen sáwbetlesiwler ótkerip, olardıń pikir hám usınısları tıńlandı.

Házirgi waqıtta kóshe atamaları shaxs atamalarınan ózgertilip qayta xatlawdan ótkerilip atırǵanlıǵı, sonday-aq, jańadan atama beriwde puqaralar jıyınları qasındaǵı komissiyalardıń jańa atama qoyıwda ushırasıp atırǵan qıyınshılıqlarǵa keńnen toqtaldı. Bunnan basqa Ózbekstan Respublikası Prezidenti Sh.M.Mirziyoyevtiń 2020-jıl 20-oktyabrdegi “Mámleketimizde ózbek tilin elede rawajlandırıw hám til siyasatın jetilistiriw is-ilajları haqqında”ǵı PP-6084-sanlı Pármanı, Qaraqalpaqstan Respublikası Joqarǵı Keńesi Prezidiumınıń “Qaraqalpaq tilin jáne de rawajlandırıw hám til siyasatın jetilistiriw ilajları haqqında”ǵı 410-sanlı Qararı hám Ózbekstan Respublikası Ministrler Kabinetiniń 2021-jıl 10-fevral kúngi 61-sanlı qararlarınıń orınlanıwın támiyinlew  boyınsha mákeme, kárxana hám shólkemlerdiń tiyisli qatnas hújjetleriniń mámleketlik tilde durıs júritiliwin támiyinlew haqqında túsinik berdi.