Ózbekstan Respublikası Oliy Majlisi Senatı Keńesiniń 2022-jıl 27-aprel kúngi KQ-340-IV-sanlı Qararı menen tastıyıqlanǵan “Gender teńlik belsendisi” milliy tańlawın kóterińki ruwxta ótkeriw boyınsha nızamına tiykar Shomanay rayonı Shańaraq hám hayal qızlar bólimi tárepinen “Gender teńlik belsendisi” milliy tańlawınıń rayonlıq basqıshı ótkerildi.
Tańlawǵa Shomanay rayonı aymaǵınan belsendi mákeme hám kárxanalardan,

shólkemlerden  35 jastan joqarı hám óz baǵdarı boyınsha keminde 5 jıl dawamında úzliksiz shuǵıllanıp kiyatırǵan 6  hayal-qız qatnastı. Tańlaw qatnasıwshıları arasınan joqarı kásiplik sheberlikke iye bolǵan, óz tarawınıń pidayı qániygeleri bolǵan óziniń sheberligi, belsendiligi menen kózge túsip belsene qatnasqan hayal-qızlar, rayonlıq shańaraq hám hayal-qızlar bólimi tárepinen húrmet jarlıǵı hám bahalı sawǵalar menen sıylıqlandı.

Tańlawdıń rayonlıq basqıshında jeńimpaz “Gender teńlikti támiynlewde” eń belsendi mámleketlik uyım Shomanay rayonı 11-sanlı mektepke shekemgi bilimlendiriw shólkemi baslıǵı Sadullaeva Gulpiya  Aybekovna, Gender teńlikti támiyinlewde eń belsendi isbilermenlik subiekti Allamjarova Aysholpan tańlawdıń Respublika basqıshına usınıs etildi.