Búgin Shomanay rayonı hákimligi hám Jaslar isleri agenligi Shomanay rayonlıq bólimi baslaması menen “Birleshik” awıl puqaralar jıyını aymaǵındaǵı “Nurxasıl Dáwran” fermer xojalıǵında “Mende qırmanǵa úles qosaman” súreni astında paxta terim jarısı bolıp ótti.

Jarısqa 18-30 jas aralıǵındaǵı jámlespegen jaslar hám 30 jastan úlken hayal-qızlar qatnastı. Qatnasıwshılar túslik waqtında ıssı awqat penen támiyinlendi. Mádeniyat xızmetkerleri tárepinen koncert baǵdarlaması qoyıp berildi. Jarıs juwmaǵında jeńimpazlarǵa hám belsendi qatnasqan terimshilerge  Shomanay rayonı hákimi B.Yangibaev, Qaraqalpaqstan Respublikası Ekonomika hám Qarjı Ministri R.Sultanov, rayon sektor basshıları tárepinen qımbat bahalı sawǵalar tapsırıldı. Respublikamız paxta jıyım-terim mapazına óz úleslerin qosıp atırǵan terimshilerge óz minnetdarshılıǵımızdı  bildiremiz.

@Shomanay_rayon