Búgin Shomanay rayonı hákimliginiń májlisler zalında 1-oktyabr “Muǵallim hám ustazlar” bayramı múnásibeti menen bir qatar kásip-óner mektebi oqıtıwshıları kókirek nıshanı hám húrmet jarlıqları sonday-aq, bahalı sawǵalar menen sıylıqlandı. Bayram keshesine Shomanay rayonı hákimi B.Yangibaev, rayon hákimi orınbasarı A.Bekmuratov, Kásip-óner mektebi direktorı U.Sultamuratov  hám de kásip-óner mektebi oqıtıwshıları qatnastı.

Kásip-óner mektebi tariyx páni oqıtıwshısı Eshanova Roza 1-oktyabr  «Muǵallim hám ustazlar» bayramı múnásebeti menen Ózbekstan Respublikası Joqarı bilimlendiriw, pán hám innovaciyalar ministrligi tárepinen  orta arnawlı hám professional bilim tarawında joqarı jetiskenliklerge erisip,  oqıwshı jaslardıń  sıpatlı bilim alıwında hám kásip-óner iyelewinde óziniń  nátiyjeli miyneti menen úlgili bolıp óz úlesin qosqanı ushın “Orta arnawlı hám professional bilimlendiriw aǵlası” kókirek nıshanı menen sıylıqlandı.

Shomanay rayonı hákimiligi  tárepinen 1-oktyabr “Muǵallim hám ustazlar” kúni múnásibeti menen Shomanay rayonı kásip-óner mektebi “Injener mexanika” tarawı boyınsha arnawlı pán aǵa oqıtıwshısı Amedov Dinmuxammed  hám “Tigiwshilik” qániygeligi boyınsha oqıw óndirislik ustası Xojambergenova Manzura  professional bilimlendiriw tarawında ózleriniń kásiplik sheberligi, ayrıqsha miynetleri menen basqalarǵa  órnek  bolıp  pidayı  miynet  etip  kiyatırǵanlıǵı ushın Shomanay rayonı hákimi B.Yangibaev  tárepinen “Húrmet jarlıǵı” hám qımbat bahalı sawǵalar tapsırıldı.