Búgin Shomanay rayonında 1-oktyabr Muǵallim hám ustazlar kúni bayramı múnásibeti menen bayram keshesi shólkemlestirildi.
Búgin Shomanay rayonında 1-oktyabr Muǵallim hám ustazlar kúni bayramı múnásibeti menen bayram keshesi shólkemlestirildi.
Búgin Shomanay rayonında 1-oktyabr Muǵallim hám ustazlar kúni bayramı múnásibeti menen bayram keshesi shólkemlestirildi.
Bayram keshesine Shomanay rayonı hákimi B.Yangibaev, rayonlıq Mektepke shekemgi hám mektep bilimlendiriw bólimi baslıǵı N.Qurbaniyazovlar qatnasıp, muǵallimler hám tárbiyashılardı qutlıqladı. Sonday-aq, bir qatar pedagoglarǵa 1-sanlı mekteptiń ózbek tili páni muǵallimi Baymuratova Miyrigul Matmuratovnaǵa Ózbekstan Respublikası «Xalıq bilimlendiriw pıdayısı», 16-sanlı mekteptiń baslawısh klass muǵallimi Sabirova Svetlana Paraxatovna hám 11-sanlı mektepke shekemgi bilimlendiriw shólkemi tárbiyashısı Seydametova Rano Duysenbaevnalarǵa Ózbekstan Respublikası «Xalıq bilimlendiriw aǵlası», 5-sanlı mekteptiń ámeliyatshı psixologı Karakulova Aysholpan Bekkalievna, 23-sanlı mekteptiń direktorı Turdımuratov Jeńis Alimbay ulı, 33-sanlı mekteptiń geografiya páni muǵallimi Tilewmuratova Gulbahar Jalǵasovna,
Bárkamal áwlad balalar mektebi dógerek basshısı Saparova Zulfiya Xasamatdinovnalarǵa Qaraqalpaqstan Respublikası «Xalıq bilimlendiriw aǵlası» kókirek nıshanı menen sıylıqlandı. Bunnan tısqarı bir qatar oqıtıwshı hám tárbiyashılar Qaraqalpaqstan Respublikası Mektepke shekemgi hám mektep bilimlendiriw Ministrligi, rayon hákimligi hám Mektepke shekemgi hám mektep bilimlendiriw bólimi «Húrmet jarlıq»ları menen sıylıqlandı.
Bayram keshesinde ustaz nuranıylerge bayram sawǵaları tapsırılıp, mádeniyat xızmetkerleri tárepinen koncert baǵdarlaması qoyıp berildi.