Ózbekstan Respublikası Prezidentiniń 2021-jıl 9-avgusttaǵı PQ-5216-sanlı qararı, Ózbekstan Respublikası Ministrler Kabinetiniń 2021-jıl 25-oktyabr kúngi 656-sanlı qararınıń orınlanıwın támiynlew maqsetinde, Shomanay rayonı hákimligi balalardı qorǵaw sektorı tárepinen, rayon aymaǵındaǵı ata-anasınan erte ayırılǵan balalardıń úy-jayǵa mútájligi úyrenip shıǵılıp, nátiyjede házirgi waqıtta “Taza-bazar” mákan puqaralar jıyını aymaǵında jasawshı 2004-jıl tuwılǵan M.Allaniyazov ata-anasınan erte ayrılǵanlıǵı sebepli, hákim qararı menen qáwender etip bekitilgen jeńgesi G.Saparniyazova qolında tárbiyalanıp atırǵanlıǵı, uy-jayǵa mútájligi anıqlandı.

Qaraqalpaqstan Respublikası Joqarǵı Keńesiniń 2023-jıl 11-iyul kúngi Prezidium qararı menen ajıratılǵan qarjıǵa tiykar, Shomanay rayonı “Mádeniyat” mákan puqaralar jıyını aymaǵındaǵı kóp qabatlı úylerden, úsh xanalı kvartira rayon hákimi orınbasarı A.Bekmuratov,  Ózbekstan Respublikası Milliy gvardiyası Qaraqalpaqstan Respublikası basqarması baslıǵı orınbasarı R.Xalilov,

Qaraqalpaqstan Respublikası qorǵaw basqarması Shomanay rayonı qorǵaw bólimi baslıǵı A.Nurilaev, Shomanay rayonı prokurorı orınbasarı P.Berdimuratov   tárepinen tapsırıldı.