Jazadan qashıp qutıla almadı

Ótken jıldıń aprel ayında puqara Z.O.ǵa óndiriwshi T.M.nıń tárbiyasında qalǵan perzenti támiynatı ushın 8 million som muǵdarında aliment pulın tólemegenligi sebepli 15 sutka hákimshilik qamaq jazası qollanılǵan edi. Ókinishke oray, jazadan tiyisli juwmaq shıǵarmaǵan Z.O bunnan keyin da yaǵnıy, 2021-jıldıń aprel-sentyabr ayları ushın esaplanǵan 3,9 million som aliment tólewden bas tartıp keledi.
Z.O. óziniń sud tárepinen Ózbekstan Respublikası Jinayat kodeksınıń 122-statyası 1-bólimi menen ayıplı dep tabılıp, bir jıl múddetke miynette dúzetiw jazasına tartıladı.

Biraq óz perzenti támiynatı ushın hár ay sayın aylıq is haqqısınan 10% muǵdarın mámleket esabına uslap qalǵan halda bir jıl múddetke sudlanǵanlıǵına qaramastan, bul jazasın ótewden bas tartıp, Jinayat isleri boyınsha Shomanay rayonı sudınıń 03.02.2022-jılǵı uyǵarıwı menen bir jıl múddetke azatlıqtı sheklew jazasına almastırılǵan.
Soǵan qaramastan, ózine berilgen jazadan tiyisli nátiyje shıǵarmaǵan, qáwipli recidivist Z.O. 2021-jıldıń sentyabr ayınan 2022-jıldıń iyun ayına shekem perzentiniń támiynatı ushın tóleniwi lazım bolǵan 7 million som, yaǵnıy ulıwma muǵdarı 18,9 millon som alimentti tólewden bas tartıp kelgenligi ushın usı sudtıń húkimine kóre, Ózbekstan Respublikası Jinayat kodeksı 122-statyasınıń 2-bólimi menen jinayat isi qozǵatıldı.