Ózbekstan Respublikası Prezidentiniń 2018-jıl 13-apreldegi 3666-sanlı qararı menen fizikalıq hám yuridikalıq shaxslardıń múrájatların kórip shıǵıw, sonday-aq, puqaralardıń huqıqları, erkinlikler hám nızamlı máplerin qorǵaw boyınsha ilajlardı ámelge asırıw rayon (qala)lıq ádillik bólimleriniń tiykarǵı wazıypalarınan biri etip belgilep berilgen.

Bul wazıypalardı orınlaw barısında, pensiya máselesinde narazı bolıp jollaǵan 17 puqaranıń múrájatları Shomanay rayonı ádillik bólimi tárepinen úyrenip shıǵıldı, nátiyjede bul puqaralarǵa pensiya tayınlawda tiyisli miynet stajları Byudjetten tısqarı pensiya qorı tárepinen tiykarsız esapqa alınbaǵanlıǵı jaǵdayları anıqlandı.
Bul puqaralarımızdıń nızamlı máplerin qorǵaw hám huqıqların tiklew maqsetinde

Shomanay rayonı ádillik bólimi tárepinen Nókis rayonlar aralıq sudına dawa arzalar kiritilip, puqaralarımızǵa jeńillik jaratıw maqsetinde 20-22-sentyabr kúnleri sudlardıń ózleri kelgen halda Shomanay rayonı ádillik bólimi imaratında kóshpeli tárizde sud processi bolıp ótip, 17 puqaranıń dawa arzaları tolıǵı menen qanaatlandırıldı.