Xalıq deputatları Shomanay rayonlıq Keńesiniń jetpis altınshı sessiyası bolıp ótti
Xalıq deputatları Shomanay rayonlıq Keńesiniń jetpis altınshı sessiyası bolıp ótti
Xalıq deputatları Shomanay rayonlıq Keńesiniń jetpis altınshı sessiyası bolıp ótti
Sessiyaǵa Shomanay rayonı hákimi B.Yangibaev, rayon sektor basshıları, siyasiy partiya wákilleri, hákim orınbasarları, tiyisli mákeme hám shólkem basshıları, awıl hám mákan puqaralar jıyını baslıqları hám ǵalaba xabar quralları wákilleri qatnastı.
Búgingi sessiyaǵa Xalıq deputatları Shomanay rayonlıq Keńesiniń 20 deputatınan 16 deputat qatnastı.
“Jergilikli mámleketlik hákimiyat haqqında”ǵı Ózbekstan Respublikası Nızamınıń 17-statyasına muwapıq sessiya májlisiniń protokolın alıp barıw ushın sessiya xatkeri saylap alındı.
Sessiyanıń kún tártibinde tómendegi máseleler kórip shıǵıldı.
1. Awıl xojalıǵına mólsherlengen jer maydanlarınan nátiyjeli paydalanıw maqsetinde rayon hákimliginiń awısıq jer qorı esabındaǵı jer maydanların awıl xojalıǵı kárxanalarına maqsetli paydalanıwı ushın ashıq elektron tańlawǵa shıǵarıw boyınsha usınılǵan joybarlardı tastıyıqlaw haqqında.
2. Ózbekstan Respublikası Prezidentiniń 2022-jıl 28-dekabrdegi «Ózbekstan Respublikasınıń 2023-2025-jıllarǵa mólsherlengen investiciya dásturin ámelge asırıw is-ilajları haqqında»ǵı PQ-459-sanlı qararınıń 9-qosımshasına muwapıq rayonda jaylasqan Qaraqalpaqstan Respublikası Suw xojalıǵı ministirligi janındaǵı Qaraqalpaqstan nasos stanciyaları hám energetika basqarması balansındaǵı «Shomanay» nasos stanciyasın sırt el investiciya qarjıları esabınan rekonstrukciya hám modernizaciyalaw haqqında.
3. “Shumanaytumangaz” gaz támiynatı bólimi tárepinen 2023-jıldıń ótken 8 ayı dawamında ámelge asırılǵan jumısları boyınsha esabatı tıńlandı.
4. “Qaraqalpaq aymaqlıq elektr tarmaqları kárxanası” AJ Shomanay rayonlıq elektr támiyinlewshi kárxanası tárepinen 2023-jıldıń ótken 8 ayı dawamında ámelge asırılǵan jumısları boyınsha esabatı tıńlandı.
5. “Qaraqalpaq suw támiynatı” JShJ Shomanay suw támiynatı bólimi tárepinen 2023-jıldıń ótken 8 ayı dawamında ámelge asırılǵan jumısları boyınsha esabatı tıńlandı.
6. Shomanay rayonı Sanitariya epidemiologik tınıshlıq hám jámiyet salamatlıǵı bólimi tárepinen 2023-jıldıń 8 ayı dawamında ámelge asırılǵan jumısları haqqında esabatı.
7. Ózbekstan “Máhálle” qayırqomlıq jámáát qorı Shomanay rayonı bólimshesi janındaǵı “Saqawat hám kómek” qorı qarjıların sarıplaw tuwralı.
8. Xalıq deputatları Shomanay rayonlıq Keńesiniń 2023-jıl 8-iyun kúngi VI-72-87-13-193-K/23-sanlı sheshimine ózgeris kiritip qayta tastıyıqlaw haqqında.
9. Xalıq deputatları Shomanay rayonlıq Keńesinde kórip shıǵılıw ushın usınılǵan basqa máseleler haqqında.
Usınıń menen Xalıq deputatları Shomanay rayonlıq Keńesiniń jetpis altınshı sessiyası juwmaqlandı.