Jınayat isleri boyınsha Shomanay rayonı sudınıń baslıǵı R.Nazarov tárepinen 2023-jıl 12-sentyabr kúni Shomanay rayonı “Mádeniyat” mákan puqaralar jıyını májlisler zalında, kóshpeli ashıq sud májlisinde Ózbekstan Respublikası Hákimshilik juwapkershilik haqqındaǵı kodeksiniń 183-statyası hám de 194-statyasında názerde tutılǵan huqıqbuzarlıqlardı islegen D.R, I.K hám de B.Xlarǵa qarata hákimshilik is kórip shıǵıldı.

Sud májlisinde huqıqbuzarlar D.R, I.K hám de B.Xlar jámiyette júris turıs qaǵıydaların qasttan mensinbesten, puqaralardıń tınıshlıǵın buzıp júrgenligi sebepli,  olardı Ózbekstan Respublikası Hákimshilik juwapkershilik haqqındaǵı kodeksiniń
183-statyası hám de 194-statyasında názerde tutılǵan huqıqbuzarlıqlardı islegenlikte ayıplap hár qaysısına 15 sutka qamaq jazası tayınlandı.

Bunnan tısqarı, Ózbekstan Respublikası Hákimshilik juwapkershilik haqqındaǵı kodeksiniń 176/3-statyasında názerde tutılǵan huqıqbuzarlıqlardı islegen J.N, A.O, S.A, D.D, N.Alarǵa qarata hákimshilik isleri kórip shıǵılıp, huqıqbuzarlar J.N, A.O, S.A, D.D, N.Alar jol qoyılǵan qáte kemshiliklerdi óz múddetinde saplastırǵanlıǵı hám keltirilgen materiallıq ziyanlardıń ornın qaplaǵanlıǵı sebepli hákimshilik isler, Ózbekstan Respublikası Hákimshilik juwapkershilik haqqındaǵı kodeksiniń 271-statyası 11-bántine tiykar óndiristen qısqartıldı.