Qaraqalpaqstan Respublikası Ministrler Keńesiniń Baslıǵı Puqaralıq qorǵanıw baslıǵınıń 2023-jıl 14-avgustdaǵı 10-sanlı hámde Shomanay rayonı hákimi – puqara qorǵanıw baslıǵınıń 2023-jıl 17-avgust kúnindegi 58-k sanlı buyrıqlarınıń atqarılıwın támiyinlew maqsetinde, yaǵnıy 2023-2024 jıllar gúz-qıs máwsiminde júzege keliwi múmkin bolǵan ayrıqsha jaǵdaylardıń aldın alıw hám sherikliktegi xızmetlerdiń tuwrı háreket etiwleri boyınsha Shomanay rayonı Ayrıqsha jaǵdaylar mámleketlik sisteması  xızmetleri hám mexanizatsiya jıynama komandaları menen arnawlı-taktik oqıw shınıǵıwı ótkerildi.
Arnawlı-taktik oqıw shınıǵıwı ótkeriwden maqset:
– 2023-2024 jıllar gúz-qıs máwsiminde Shomanay rayonı aymaǵında júzege keliwi múmkin bolǵan kommunal sistemalardaǵı (gaz, elektr támiynatı, suw oqava sistemalarında ) ayrıqsha jaǵdaylardıń aldın alıw boyınsha júkletilgen wazıypalardı waqıtında sapalı orınlaw ;
– arnawlı-taktik oqıw shınıǵıwında tábiyiy hám texnogen túrdegi ayrıqsha jaǵdaylar aqıbetlerin saplastırıwda Ayrıqsha jaǵdaylar mámleketlik sisteması  xızmetleri aymaqlıq hám tómengi sistemalarınıń kúsh-quralların sherikliktegi háreketlerin jetilistiriw hám muwapıqlastırıw jumısların nátiyjeli shólkemlestiriw.
Oqıw shınıǵıwı 4 basqıshda o’tkerilip, 1-basqıshta Shomanay rayonı hákimligi imaratı aldındaǵı maydanda rayon Puqaralıq qorǵanıw xızmetlerin jıyma komandası hám jıyma mexanizaciya otryadlariniń kúsh hám quralları tayarlıǵı kózden keshiriw ushın sap ko’rigi ótkerildi. Sap ko’rigine 11 texnika hám 59 jeke quram qatnasdı.
Keyingi basqıshlarda rayon energetika xızmeti, gaz hám suw támiynatı kúsh hám quralları kommunal sistemalarda júzege kelgen avarıyalardı saplastırıwdaǵı ámeliy háreketleri kórildi.