Ózbekstan Respublikası Prezidenti tárepinen 2020-jıl 3-avgusttaǵı «Ózbekstan Respublikasınıń milliy statistika sistemasın jáne de jetilistiriw hám rawajlandırıw ilajları haqqında»ǵı PQ-4796 sanlı qararı qabıllanıp, oǵan muwapıq statistika uyımları tárepinen talap joqarı bolǵan sapalı hám isenimli maǵlıwmatlardı qáliplestiriwge, statistikalıq maǵlıwmatlardıń ashıqlıǵın támiyinlewge qaratılǵan professional, ǵárezsiz xızmetke aylandırıw belgilep qoyılǵan.
Usı qarar boyınsha profilaktikalıq jumıslar alıp barıldı. Mámleketimizde ekonomikamızdıń negizgi kórsetkishlerinen bolǵan kishi biznes hám jeke isbilermenlikti rawajlandırıw, puqaralardı isbilermenlikke keńnen tartıw, olar ushın sharayatlar jaratıw, mikrofirma hám kishi kárxanalarda bántligi támiyinlenbegen jaslardı jumıs penen támiyinlew boyınsha rayonda keń kólemli jumıslar alıp barılmaqta. Shomanay rayonı boyınsha 2023-jıldıń 1-avgust halatına rayon aymaǵında 681 xojalıq júrgiziwshi subyektler mámleketlik dizimge alınǵan bolıp, sonnan kishi biznes subyektleri 260 ti quraydı. Dizimge alınǵan xojalıq júrgiziwshi subyektlerden háreket etip turǵanı 519 subyekt bolıp, sonnan 211 kishi biznes subyektleri bolıp esaplanadı.
Jıl basınan jańadan 1377 kárxana ashılıp, búgingi kúnde óz jumısların jolǵa qoyıp, óz xızmetlerin xalqımızǵa usınbaqta. 2023-jıldıń 1-avgust halatına rayon aymaǵında háreket etip turǵan 129 sanaat kárxanaları tárepinen 132,0 mlrd somlıq sanaat ónimleri islep shıǵarılǵan bolıp 103,6 procentti quradı.