Shomanay rayonında baqshalar ushın“Aqılbay aspaz” atamasında taǵamlar recepti boyınsha seminar  shólkemlestirildi

2023-jıl 16-avgust kúni Shomanay rayonı Mektepke shekemgi hám mektep bilimlendiriw bólimine qaraslı 2-sanlı mektepke shekemgi bilimlendiriw shólkeminde seminar bolıp ótti. Oǵan, Qaraqalpaqstan Respublikası MSHHMBMniń Mektepke shekemgi bilimlendiriw shólkemlerinde awqatlandırıwdı shólkemlestiriw boyınsha sektor metodisti N.Reymova, Shomanay rayonı sanitariya-epidemiologiyalıq tınıshlıq hám jámiyet salamatlıǵı bólimi sanitariya vrashı R.Ótepov,  rayondaǵı barlıq MSHBSH direktorları, xojalıq isleri meńgeriwshileri, miyirbiykeler hám aspazlar qatnastı.

Sózge shıǵıp sóylewshiler tárepinen balalardı awqatlandırıw tártibi, azıq-awqat ónimleriniń sapasın anıqlaw hám paydalanıw tártipleri haqqında keń túsinikler berdi. Hár bir shólkemde balalar taǵamları boyınsha aspazlardıń sheberligi kózden ótkerilip, islenip atırǵan jumıslarǵa joqarı baha berildi hám “Aqılbay aspaz» baqsha ushın taǵamlar recepti boyınsha anıq ilajlar belgilenip alındı.