Shomanay rayonında awıl xojalıǵı tarawında kórgizbeli seminar bolıp ótti

Búgin 2023-jıl 9-avgust kúni Shomanay rayonı “Asadbek Bekpolatov” fermer xojalıǵı dalasında 2024-jıl hasılı ushın ǵálle egisine tayarlıq jumısları boyınsha kórgizbeli seminar bolıp ótti.

Seminarǵa rayon hákimi B.Yangibaev, Qaraqalpaqstan Respublikası Ministrler Keńesi baslıǵı orınbasarı D.Qayipov, Ózbekstan Respublikası Suw xojalıǵı Ministriniń orınbasarı R.Karshiev, rayon belsendileri hám fermer xojalıǵı basshıları qatnastı.

Seminarda ǵálle egisiniń keshiktirip bolmaytuǵın agrotexnikası, jerlerdiń shorın juwıw, lazerli úskeneler menen tegislew arqalı tayarlaw, tógin menen egiw hám basqa da áhmiyetli jumıslar ámeliy dodalandı. Maǵlıwmat ushın, 2024-jıl hasılı ushın Shomanay rayonında 168 fermer xojalıǵı jámi 3260 gektar maydanǵa ǵálle egiwdi rejelestirip, búgingi kúnde jerlerdi tayarlaw isleri baslap jiberildi.

Shomanay rayonı hákimligi málimleme xızmeti

@Shomanay_rayon