Shomanay rayonında “Ketenler” awıl puqaralar jıyınında shańaraq shıpakerlik punkti imaratınıń ashılıw saltanatı bolıp ótti
Shomanay rayonında “Ketenler” awıl puqaralar jıyınında shańaraq shıpakerlik punkti imaratınıń ashılıw saltanatı bolıp ótti
Shomanay rayonında “Ketenler” awıl puqaralar jıyınında shańaraq shıpakerlik punkti imaratınıń ashılıw saltanatı bolıp ótti
Ashılıw ilajıne Shomanay rayonı hákimi B.Yangibaev hám rayon sektor basshıları, awıl, mákan puqaralar jıyınları basshıları, nuranıylar hám aymaq turǵınları, rayon medicina tarawı xızmetkerleri hám de Qaraqalpaqstan Respublikası Den sawlıqtı saqlaw Ministriniń birinshi orınbasarı Quralboy Kamalov qatnastı.
2022-jıl 28-yanvardaǵı “2022-2026-jıllarǵa baǵdarlanǵan Jańa Ózbekstannıń rawajlanıw strategiyası tuwralı” PP-60-sanlı Pármanı qabıl etildi. Usı Pármannıń 64-bántine tiykar, “Aymaqlarda birlemshi medicina xızmetin “Bir qádem” principi tiykarında shólkemlestiriw belgilengen. Xalıqtıń sıpatlı medicinalıq xızmetlerden paydalanıwı ushın qolay sharayatlar jaratıw maqsetinde, birlemshi medicinalıq xızmetlerdi máhállelerde shólkemlestiriw maqsetinde baǵdarlama tastıyıqlandı. Usı baǵdarlamaǵa muwapıq búgin “Ketenler” awıl puqaralar jıyını aymaǵında da shańaraq shıpakerlik punkti ashıldı
Prezidentimiz Sh.M.Mirziyoyev basshılıǵında 2022-jıl 5-may kúni ótkerilgen videoselektor májlisinde elimizde medicina tarawın elede rawajlandırıw boyınsha ayqın wazıypalardı belgilep berip, Ózbekstan Respublikası Prezidentiniń 2022-jıl 17-maydaǵı “Medicina tarawı xızmetkerlerin materiallıq qollap-quwatlaw hám de xoshametlewdi kúsheytiriw is-ilajları haqqında” PP-136 sanlı Pármanı qabıl etildi. Parmanǵa muwapıq medicina tarawı xızmetkerleri is-haqıları 15% shekem kóterildi. Sonıń menen birge rayonımızda joqarı maǵlıwmatlı medicina xızmetkerleriniń jetispewshiligin inabatqa alıp rayonımızǵa kelip islewshi joqarı maǵlıwmatlı medicina xızmetkerlerine 3 jıl dawamında 100% ústeme tólew belgilendi. Bul álbette Húrmetli, Prezidentimizdiń xalqımızdıń den sawlıǵın bekkemlew jolında sıpatlı medicinalıq xızmet kórsetip atırǵan taraw xızmetkerlerine bolǵan úlken dıqqat itibarı bolıp esaplanadı. Bul taraw xızmetkerlerin ele de juwapkershilikli bolıwların talap etedi. Rayon hákimligi óz náwbetinde rayonlıq medicina birlespesiniń materiallıq, texnikalıq bazasın bekkemlew, birlemshi dári-darmaqlar menen támiynlew, qurılıs ońlaw jumısların alıp barıwda ámeliy járdemler kórsetilip kelmekte. Mısalı, ótken 2022-jıldıń ózinde 664 mln. somlıq qarjı ajıratıldı. Álbette, bul jumıslar usı jılda da dawam ettiriledi. Xalıqtıń sıpatlı medicinalıq xızmetlerden paydalanıwı ushın qolay sharayatlar jaratıw, birlemshi medicinalıq xızmetlerdi máhállelerde shólkemlestiriw maqsetinde «Ketenler» shańaraq shıpakerlik punkti jumısları jolǵa qoyılıp jeńil ońlaw jumısları alıp barıldı. «Ketenler» shańaraq shıpakerlik punktinde 4 ulıwma ámeliyat shıpakeri, 11 orta buwın medicina xızmetkerleri hám de 2 kishi medicina xızmetkerleri «Ketenler» awıl puqaralar jıyını aymaǵındaǵı 5534 puqaraǵa medicinalıq xızmet kórsetedi. Bul «Ketenler» awıl puqaralar jıyını xalqınıń uzaǵın jaqınlatıp, xalıq salamatlıǵı ushın xızmet kórsetedi desek adaspaǵan bolamız.