“Eń jaqsı qosıqqa janım sadaǵa” kórik tańlawı bolıp ótti

Prezidentimizdiń bes áhimiyetli baslamasınıń  kórkem óner jónelisiniń orınlanıwı boyınsha, Shomanay rayonlıq Mádeniyat orayı 13-sanlı muzıka hám  kórkem óner mekebi, Kitapxana resurs orayı hám Barkamal áwlad balalar mektebi menen birgelikte,  jaslar arasında kórkem óner hám mádeniyattı elede rawajlandırıw, xalıq arasındaǵı talantlılardı izlep tabıw hám kórkem ónerdiń qosıq jónelisine degen qızıǵıwshılıǵın  arttırıw, olardıń qábiletlerin júzege shıǵarıwda imkaniyat jaratıw maqsetinde “Eń jaqsı qosıqqa janım sadaǵa” atlı kórik tańlawı bolıp ótti. Tańlawǵa 20 dan aslam jas talantlılar kúsh sınastı. Tańlaw juwmaǵında 12-sanlı Tashkent Mádeniyat orayınıń bes baslama boyınsha qosımsha shólkemlestirilgen “Qosıq” dógereginiń oqıwshısı Renbaev Nawrızbek  sıylı 1-orındı, 2-orındı Qozıbaeva Sabrina al, 3-orındı  Áwezova Aysulıwlar jeńimpaz dep tabıldı hám Mádeniyat bóliminiń diplom hám sawǵaları menen sıylıqlandı.

@Shomanay_rayon