Xalıq deputatları Shomanay rayonlıq Keńesiniń jetpis tórtinshi sessiyası bolıp ótti
Xalıq deputatları Shomanay rayonlıq Keńesiniń jetpis tórtinshi sessiyası bolıp ótti
Xalıq deputatları Shomanay rayonlıq Keńesiniń jetpis tórtinshi sessiyası bolıp ótti
Búgingi sessiyamızda rayonımızdaǵı 4 sektor basshıları, siyasiy partiya wákilleri, hákim orınbasarları, tiyisli mekeme hám shólkem basshıları, puqaralar jıyınları baslıqları hám ǵalaba xabar quralları wákilleri qatnastı. Búgingi sessiyaǵa Xalıq deputatları Shomanay rayonlıq Keńesiniń 20 deputatınan 15 deputat qatnastı.
“Jergilikli mámleketlik hákimiyat haqqında”ǵı Ózbekstan Respublikası Nızamınıń 17-statyasına muwapıq sessiya májilisiniń protokolın alıp barıw ushın sessiya xatkerin saylap aldı.
Sessiyanıń kún tártibine tómendegi máseleler usınıldı:
1. Shomanay rayonında Jámiyette rásmiy sektorda jumıssız bolǵan hámde Ekonomikalıq belsendi jaslar menen mánzilli islesiw boyınsha “Jol karta”sın tastıyıqlaw haqqında.
2. Ózbekstan Respublikası Ministrler Kabinetiniń 2022-jıl
31-marttaǵı «Hayal-qızlar mashqalaların úyreniw hám sheshiw sistemasın jáne de jetilistiriw is-ilajları haqqında»ǵı 145-sanlı Qararı tiykarında ámelge asırılıp atırǵan jumıslar haqqında.
3. Shomanay rayonı Ishki isler bólimi tárepinen rayon aymaǵında huqıqbuzarlıqtıń aldın alıw, jınayatshılıqqa qarsı gúresiw, jámiyetlik tártipti saqlaw, puqaralar qáwipsizligin támiyinlewde ámelge asırılǵan profilaktikalıq hám operativ-qıdırıw jumısları boyınsha esabatı haqqında.
4. «Jergilikli mámleketlik hákimiyat haqqında»ǵı Qaraqalpaqstan Respublikasınıń Nızamı hám tiyisli húkimetlik qararları talaplarınıń orınlanıwı boyınsha rayonlıq Ádillik bóliminiń málimlemesi haqqında.
5. Ózbekstan Respublikası Bas Prokuraturası janındaǵı Májbúriy orınlaw byurosı Shomanay rayonlıq bólimi tárepinen 2023-jıldıń I yarım jıllıǵında ámelge asırılǵan jumısları boyınsha málimlemesi haqqında.
6. Shomanay rayonı mámleketlik salıq inspekciyası tárepinen 2023-jıldıń I yarım jıllıǵında ámelge asırılǵan jumısları boyınsha esabatı haqqında.
7. Shomanay rayonı Qarjı bóliminiń 2023-jıldıń I yarım jıllıǵında jergilikli byudjettiń orınlanıwı boyınsha ámelge asırılǵan jumısları haqqında.
8. Ózbekstan “Máhálle” qayırqomlıq jámáát qorı Shomanay rayonı bólimi janındaǵı “Saqawat hám kómek” qorı qarjıların sarıplaw tuwralı.
9. Aymaqlardı kompleks social-ekonomikalıq rawajlandırıw boyınsha sektorlardıń 2023-jıldıń 2-yarım jıllıǵı ushın «Jol karta» sın tastıyıqlaw haqqında.
10. Shomanay rayonı hákimligi janındaǵı máhállelerdi qollap-quwatlaw qorınıń komissiya quramın tastıyıqlaw haqqında.
11. Xalıq deputatları Shomanay rayonlıq Keńesiniń 2023-jıldıń 2-yarım jıllıǵı ushın is-rejesin tastıyıqlaw haqqında.
Sessiyanıń kún tártibine kiritilgen máseleler tolıq kórip shıǵıldı. Usınıń menen Xalıq deputatları Shomanay rayonlıq keńesiniń 74 sessiyası jabıq dep járiyalandı.