Shomanay rayonı «Mádeniyat» orayı imaratında  “Insanǵa itibar hám sıpatlı bilimlendiriw» jılı  mámleketlik dástúri sonday-aq ÓzLiDeP dástúri hám de saylaw aldı platformasında belgilep berilgen tiykarǵı wazıypalardı ámelge asırıwda, mámleketimiz ekonomikası, kishi biznes hám jeke sektorlardıń rawajlanıwında isbilermen hám fermer hayal-qızlardıń belsendiligin támiynlew maqsetinde  «Isbilermen hayal» kórik tańlawınıń rayonlıq basqıshı rayonımızdaǵı awıl ham mahálle puqaralalar jıyınlarındaǵı isbilermen hayal-qızlar arasında bolıp ótti. Kórik tańlawdıń rayonlıq basqıshın Shomanay rayonı hákimi orınbasarı shańaraq hám hayal-qızlar bólimi baslıǵı G.Temirxanova ashıp berdi. Búgingi kúnde jámiyette hayal-qızlarımızdıń sociallıq, siyasiy tarawdaǵı qatnasın arttırıw, isbilermenlik baslamaların qollap-quwatlaw  mámleketlik siyasat dárejesine shekem jetip barǵanlıǵı, húrmetli jurtbasshımızdıń itibarında ekenliklerine keń túrde toqtap  ótti. Tańlawda Nuranıy qorı Qaraqalpaqstan Respublikası basqarması baslıǵı orınbasarı T.Abdijabbarov, Nuranıy qorı rayonlıq bólimi baslıǵı D.Niyetullaev, Ruwxıylıq aǵartıwshılıq orayı rayonlıq bólimi baslıǵı  I.Allaniyazovlar miymanda bolıp, isbilermen hayal-qızlardıń qolınan dóregen qol ónerleri, jayılǵan kórigizbeler menen jaqınnan tanıstı. Jarıs juwmaǵında qatnasıwshılar  shólkemlestiriwshiler tárepinen  húrmet jarlıqları hám estelik sawǵaları menen sıylıqlandı.

Shomanay rayonı hákimligi málimleme xızmeti

@Shomanay_rayon