Elimizde xalqımızǵa qolay shárayatlar jaratıw, olardıń búgingi turmısınan kewilli jasawın támiyinlew jolında kólemli reformalar ámelge asırılmaqta. Máselen, puqaralardıń múrájatların tıńlaw, olardı qıynap kiyatırǵan mashqalalardı úyreniw, onı sol orında saplastırıw ilájların kóriw, sonıń menen birge orınlarda kóshpeli qabıllawlar ótkeriw arqalı xalıqtıń arasına kirip barıw usılar qatarınan.

Búgin Xalıq qabıllawxanası hám sektor baslıqları tárepinen tastıyıqlanǵan reje tiykarında Shomanay rayonı “Mamıy” awıl puqaralar jıyınında 1-sektor baslıǵınıń gezektegi kóshpeli qabıllawı bolıp ótti.

Qabıllawǵa Ózbekstan Respublikası Prezidentiniń Shomanay rayonındaǵı Xalıq qabıllawxanası baslıǵı I.Abdraxmabov, 1-sektor baslıǵı B.Yangibaev, aymaqtaǵı hákim járdemshisi hám tiyisli mekeme basshıları menen aymaq turǵınları qatnastı.

Qabıllawda puqaralardan kelip túsken múrájatlar kórip shıǵıldı. Ótkerilgen qabıllawda puqaralar tárepinen bildirilgen múrájatlardıń basım kópshiligi sol orında óziniń unamlı sheshimin taptı.