Jınayatshılıq hám huqıqbuzarlıqlardıń aldın alıw boyınsha Shomanay rayonı “Qarabaylı” mákan puqaralar jıyını imaratında ushırasıw bolıp ótti.

Ushırasıwda Ózbekstan Respublikası Prezident administraciyasınıń juwapker xızmetkeri Z.Nurmatov, Ózbekstan Respublikası Joqarǵı sudı sudyası I.Muslimov, jınayat isleri boyınsha Shomanay rayonı sudı baslıǵı R.Nazarov, Shomanay rayonı Ádillik bólimi baslıǵı wazıypasın waqtınsha atqarıwshısı A.Seydabullaev, mekeme basshılar, jaslar jetekshileri, rayon IIB profilaktika inspektorları hámde Shomanay rayonı “Qarabaylı” mákan puqaralar jıyını hám de “Begjap” awıl puqaralar jıyını aymaǵı turǵınları qatnastı.

Ushırasıw dawamında Ózbekstan Respublikası Prezident administraciyasınıń juwapker xızmetkeri Z.Nurmatov hám de Ózbekstan Respublikası Joqarǵı sudı sudyası I.Muslimov óz sózinde puqaralar arasında huqıqbuzarlıqlar hám jınayatshılıqlardıń aldın alıw boyınsha úgit-násiyat islerin júrgizip, jınayat sózi negizinde jámiyetlik qáwipli qılmıs bolıp, onıń aqıbetleri tek sol jınayattı islegen puqaranıń ózine emes, shańaraqqa, jámiyetke, mámleketke zıyan jetkizedi. Házirgi kúnde mámleketimizdiń jaslarǵa qaratıp atırǵan itibarı júdá úlken. Onnan aqılǵa muwapıq ráwishte paydalanıw hár bir jastıń aqıl sanasına, alǵan tárbiyasına baylanıslı. Keleshek-jaslar qolında, onı ańlap jetiw ushın hám ruwxıy tárepten hám fizikalıq tárepten shınıqqan, huqıqıy-siyasıy sawatqanlıqqa iye jaslardı tárbiyalaw bárshemizdiń wazıypamız. Nızamdı bilmeslik yaki óziniń islegen háreketiniń nızamǵa qayshı ráwishte ekenligin ańlamaw jazadan azat etpeydi. Huqıqıy jaqtan sawatqanlıqqa iye jaslar bolsa erteńgi ómirimizdiń, keleshegimizdiń aydınlıǵınan derek beredi dep aytıp ótti.

Bunnan soń ushrasıwǵa kelgen puqaralardıń usınısların pikirlerin tıńlap keńnen túsinik berip ótti.