Isbilermenler tárepinen kórsetiletuǵın xızmetler

Ózbekstan Respublikası Prezidenti tárepinen 2020-jıl 3-avgusttaǵı «Ózbekstan Respublikasınıń milliy statistika sistemasın jánede jetilistiriw hám rawajlandırıw ilajları haqqında»ǵı PQ-4796 sanlı qararı qabıllanıp, oǵan muwapıq statistika organları tárepinen talap joqarı bolǵan sapalı hám isenimli maǵlıwmatlardı qáliplestiriwge, statistikalıq maǵlıwmatlardıń ashıqlıǵı hám áshkaralıǵın támiyinlewge qaratılǵan professional, ǵárezsiz xızmetke aylandırıw belgilep qoyılǵan. Usı qarar boyınsha profilaktikalıq jumıslar alıp barıldı. Mámleketimizde ekonomikamızdıń negizgi kórsetkishlerinen bolǵan kishi biznes hám jeke isbilermenlikti rawajlandırıw, puqaralardıń isbilermenlikke keńnen tartıw, olar ushın shárayatlar jaratıw, mikrofirma hám kishi kárxanalarda bántligi támiyinlenbegen jaslardı jumıs penen támiyinlew boyınsha rayonda keń kólemli jumıslar alıp barılmaqta.

Shomanay rayonı boyınsha 2023-jıldıń 1-iyun halatına rayon aymaǵında 645 xojalıq júrgiziwshi subektler mámleketlik dizimge alınǵan bolıp, sonnan kishi biznes subektleri 246 nı quraydı. Dizimge alınǵan xojalıq  júrgiziwshi subektlerden háreket etip turǵanı 502 subekt bolıp, sonnan 201 kishi biznes subektleri bolıp esaplanadı.
Jıl basınan jańadan 1348 kárxana ashıldı.  Búgingi kúnde óz jumısların jolǵa qoyıp óz xızmetlerin xalqımızǵa usınbaqta. 2023-jıldıń 1-iyun halatına rayon aymaǵında háreket etip turǵan 124 sanaat kárxanaları tárepinen 2022-jıldıń yanvar-may aylarında 63,8 mlrd sumlıq sanaat ónimleri,  2023-jıl yanvar-may aylarında 71,0 mlrd sumlıq sanaat ónimleri islep shıǵarılǵan bolıp 102,3 payızdı quradı. Sonnan kishi kárxana hám mikrofirmalar 2022-jıldıń yanvar-may aylarında 52,1 mlrd sumlıq sanaat ónimleri,  2023-jıl yanvar-may aylarında 53,8 mlrd sumlıq sanaat ónimleri islep shıǵarılǵan bolıp 103,2 payızdı quradı.