Perzent tárbiyası hárbir ata-ana ushın úlken juwapkershilikti júkleydi. Bunday bolmaǵanda perzentlerimizdiń keleshegine, minez-hulqına, ádewir unamsız tásir jasaytuǵını turmıstan belgili. Usı maqsette, yaǵnıy, jas óspirim qız-balalar arasında hár qanday unamsız jaǵdaylardıń aldın alıw, olardıń bos waqıtların mazmunlı ótkeriw, ónerge úyretip barıw maqsetinde Shomanay rayonı Shańaraq hám hayal-qızlar  bólimi baslıǵı G.Temirxanova menen birgelikte rayondaǵı «Diyxanabad» awıl puqaralar jıyını aymaǵında jasawshı hayal-qızlar arasında úgit-násiyat baǵdarındaǵı ushırasıw bolıp ótti. Qız-bala tárbiyasındaǵı dıqqat  qaratatuǵın bir qatar máseleler sóz etilip, bul boyınsha ata-analardıń pikir usınısları tıńlandı. Usı kúni puqaralar arasında bos jumıs orınları yarmarkası shólkemlestirildi.

Shomanay rayonı hákimli málimleme xızmeti

@Shomanay_rayon