⚡️ Belsendi jasımız “Turkiy tilles jaslar xalıq aralıq festivalı”nda

Usı jıldıń 11-15 iyul kúnleri Ferǵana wálayatınıń “Qoqan” qalasında “Turkiy tilles jaslar xalıq aralıq festivalı” bolıp ótti.
Festival Mádeniyat hám turizm ministrligi, Sırtqı isler ministrligi hám Jaslar isleri agentligi tárepinen Xalıq aralıq túrk mádeniyatı shólkemi (TURKSOY) menen birgelikte ótkerildi.

Onda Qırǵızstan, Qazaqstan, Túrkmenstan, Turkiya, Azerbayjan hám Ózbekstannıń hár bir aymaǵınan belsendi student-jaslar qatnastı.
Usı festivalda rayonımız belsendi jası Qallibekova Dinora Qaraqalpaqstan respublikasi delegati sıpatında belsendilik kórsetti.

Festival sheńberinde tańlawlar, joybarlar, akciyalar, sonday-aq, kıtapqumarlıq kúni, milliy hám etnosport túrleri boyınsha sport jarısları hám kewilashar ilajlar, jaslar ushın biznesti basqarıw boyınsha sáwbetler, ushırasıwlar shólkemlestiriledi.
“Turkiy tilles jaslar xalıq aralıq festivalı” 2023-jıldan baslap, hár eki jılda bir márte iyul ayında ótkeriledi.
@shomanay_rayon