1. Búgin Shomanay rayonı 13-sanlı Balalar muzika mektebi májilisler zalında Qaraqalpaqstan Respublikası Ministrler Keńesi baslıǵı orınbasarı,  Shańaraq hám hayal-qızlar bólimi baslıǵı  M.Axmedova,  Qaraqalpaqstan Respublikası  Ishki Isler Ministrligi Jınayat qıdırıw bólimi baslıǵı U.Qurbanbaeva,  Qaraqalpaqstan Musılmanlar qazıyatı qazısı Sh.Bahawaddinov,  Shomanay rayonı “Jome masjidi”  Imam xatibi B.Amedovlar qatnasında ushırasıw boldı.

Ushırasıwda rayonımızdaǵı kóshelerden saylanǵan kóshe bası hayalları, mekemelerdegi basshı hayallar, ǵalaba xabar quralları wákilleri, awıl hám mahálle puqaralar jıyınlarındaǵı hayal-qızlar belsendileri qatnastı. Házirgi kúnde biybaha bolǵan tınıshlıqtıń qádirine jetiw kerekligin aytıp óttildi.

Respublikamızda kóp milletli xalıq tınısh-tatiw, awızbirshilikte jasap kiyatirǵanliǵi hám jaslardıń sanasına milliy ózlik ideasın sińdirip barıw boyınsha pikir usınıslar ilgeri súrildi. Ushırasıw soraw-juwaplarǵa bay tárizde ashıq sáwbetlesiwler menen dawam etti.

Ushırasıw “Aybuyir”  awıl puqaralar jıyınında da dawam ettirilip, “Aybuyir” awıl puqaralar jıyını aymaǵında belsendi hayal-qızlar,  kóshe basshıları menen ushırasıp olardıń da pikir usınısları tıńlandı.