“O’zimiz keldik” atamasında orınlarǵa shıqqan halda mámleketlik xizmetler kórsetildi

Shomanay rayonı Ádillik bólimi tárepinen “Mamıy” awıl puqaralar jıyınında kóshpeli mámleketlik xizmetler shólkemlestirildi.
Bul kóshpeli xızmetlerden mazmunlı paydalanıw, mámleketlik xızmetler orayları arqalı kórsetiletuǵın xızmetlerdiń túrleri, tarawda ámelge asırılıp atırǵan reformalar, tarawǵa baylanıslı qabıl etilip atırǵan normativ-huqıqıy hújjetlerdiń mazmun-mánisi boyınsha keń túrde túsinik jumısları alıp barılıp, sonıń menen birge kóshpeli mámleketlik xızmetler kórsetildi.

Kóshpeli xizmetler kórsetiw dawamında, xalıqqa mámleketlik xızmetlerdi kórsetiw tarawına tiyisli múrájatler úyrenilip, huqıqıy másláhátler berildi.
Sonday-aq, Respublikamızda qabıl etilip atırǵan normativ-huqıqıy hújjetler, mámleketimizde puqaralarǵa jaratılıp atırǵan keń imkaniyatlar hámde Birden-bir interaktiv mámleketlik xizmetler portalı my.gov.uz my.gov.uz elektron sistemasınan paydalanıw imkaniyatları bar ekenligi haqqında huqıqıy túsinikler berilip, aymaq turǵınlarına oray xızmetkerleri tárepinen 30 dan aslam kóshpeli mámleketlik xizmetler kórsetildi.

Shomanay rayonı hákimligi málimleme xızmeti

@Shomanay_rayon