Isbilermenge itibar elge itibar.

Ózbekstan Respublikası Prezidenti tárepinen 2020-jıl 3-avgusttaǵı «Ózbekstan Respublikasınıń milliy statistika sistemasın jánede jetilistiriw hám rawajlandırıw ilajları haqqında»ǵı PQ-4796 sanlı qararı qabıllanıp, oǵan muwapıq statistika organları tárepinen talap joqarı bolǵan sapalı hám isenimli maǵlıwmatlardı qáliplestiriwge, statistikalıq maǵlıwmatlardıń ashıqlıǵı hám áshkaralıǵın támiyinlewge qaratılǵan professional, ǵárezsiz xızmetke aylandırıw belgilep qoyılǵan.Usı qarar boyınsha profilaktikalıq jumıslar alıp barıldı. Mámleketimizde ekonomikamızdıń negizgi kórsetkishlerinen bolǵan kishi biznes hám jeke isbilermenlikti rawajlandırıw, puqaralardıń isbilermenlikke keńnen tartıw, olar ushın shárayatlar jaratıw, mikrofirma hám kishi kárxanalarda bántligi támiyinlenbegen jaslardı jumıs penen támiyinlew boyınsha rayonda keń kólemli jumıslar alıp barılmakta. Shomanay rayonı boyınsha 2023-jıldıń 1-iyun halatına rayon aymaǵında 6724 xojalıq jurgiziwshi subektler mámleketlik dizimge alıngan bolıp, sonnan kishi biznes subektleri 4685 ti quraydı. Dizimge alınǵan xojalıq jurgiziwshi subektlerden háreket etip turǵanı 5143 subekt bolıp, sonnan 4283 kishi biznes subektleri bolıp esaplanadı.
Jıl basınan jańadan 2922 kárxana ashıldı bu`gingi kunde óz jumısların jolǵa qoyıp óz xızmetlerin xalıqmızǵa usınbaqta. 2023-jıldıń 1-iyun halatına rayon aymaǵında háreket etip turǵan 830 sanaat kárxanaları tárepinen 56,5 mlrd sumlıq sanaat ónimleri islep shıgarılǵan bolıp 103,5 payızdı quradı.
Sırtqı aylanbası 2023-jıl 1-iyun jaǵdayına 2,0 mln AQSh dolların quraǵan, tiykarǵı kapitalǵa investiciyalar 2,2 mln sum, 110,0 payızdı quradı.
Usaqlap satıw tovar aylanbası 58,7 mlrd sum 101,0 payız hám xızmetler tarawı boyınsha 746,3 mlrd sum bolıp 107,3 payızdı quradı hám ósim páti támiyinlendi.