«Ózbekstan Respublikası Prezidentiniń 2021-jıl 5-noyabr kúngi «Júriw, juwırıw, kishi-futbol, badminton, stridbol hám workout sport túrlerin jáne de rawajlandırıw isleri haqqında»ǵı PQ-5282-sanlı qararınıń orınlanıwı boyınsha Shomanay rayonında mákeme, kárxana hám shólkemler arasında «Hákim kubogı» spоrt jarısları juwmaqlandı.

Jarıs juwmaǵına kóre jeńimpazlardı sıylıqlaw máresimi ótkerildi.
Bunda hayal-qızlar arasında voleybol jarısında I orındı 31-sanlı mektep, II orındı 11-sanlı mektepke shekemgi bilimlendiriw shólkemi, III orındı 7-sanlı mektep komandaları iyelegen bolsa, er ballar arasında kishi futbol túrinen I orındı Abadanlastırıw basqarması, II orındı Kambaǵallıqtı qısqartıw hám bántlik bólimi,

III orındı Mektepke shekemgi hám mektep bilimlendiriw bólimi komandaları iyeledi.

Jeńimpazlar rayon hákimi B.Yangibaev tárepinen diplom hám bahalı sawǵalar menen sıylıqlandı.