Búgin Shomanay rayonı hákimligi hám Ózbekstan Sawda sanaat palatası Shomanay rayonı bólimi baslaması menen Shomanay rayonı hákimi B.Yangibaevtıń “Isbilermenler kúni” ilajı sheńberinde rayon isbilermenleri menen ushırasıwı bolıp ótti.

Ushırasıwǵa Sawda sanaat palatası Qaraqalpaqstan respublikası basqarması qánigesi A.Oralbaev  hám Shomanay rayonlıq bólimi xızmetkerleri, Kámbaǵallıqtı qısqartıw hám bántlik bólimi, salıq organı, kommerciyalıq bankler, rayonlıq elektr tarmaqları, “Xudud-gaz” rayonlıq bólimi, Kadastr, hákim járdemshileri hám 20 dan aslam isbilermenler qatnastı.

Ushırasıwdıń maqseti rayon aymaǵındaǵı isbilermenlik subektleriniń biznes júritiwde ushırasıp atırǵan mashqalaların anıqlaw, olardı birgelikte sheshiw hám saplastırıw, sonday-aq, Prezidentimiz hám húkimetimiz tárepinen isbilermenlerge jaratılıp atırǵan keń imkaniyatlar, salıq jeńillikleri, kredit ajıratıwdaǵı jeńillikler   menen  isbilermenlerdi tanıstırıwdan ibarat.

Ushırasıwda isbilermenler tárepinen kredit ajıratıw, subsidiya beriw, jer orın ajıratıw, isbilermenlik penen shuǵıllanıw ushın imáratlardı ijáraǵa alıw, jańa jumıs orınların jaratıw hám oqıw orınların shólkemlestiriw boyınsha múrájatlar boldı.

Rayon hákimi kelip túsken murájatlardı sheshiw ilájların kóriw boyınsha qadaǵalawına alatuǵının bildirdi. 

Sonday-aq, iláj dawamında rayon hákimi B.Yangibaev Ózbekstan Respublikası Prezidenti basshılıǵında “Kámbaǵallıqtı kemeytiw hám bántlikti támiyinlew jumısların jańa basqıshqa alıp shıǵıw ilájları” júzesinen usı jıldıń 15-may kúni ótkerilgen videoselektor májlisindegi bayanatı mazmunın túsindirip, 1-iyun sánesinen baslap, “20 mıń isbilermenge 500 mıń tájriybeli qániyge” dástúri engiziletuǵının, dástúrdegi tiykarǵı jónelisler hám olardan kelip shıǵatuǵın wazıypalarǵa toqtap ótti.

Shomanay rayonı  hakimligi málimleme xızmeti