15-may Xalıqaralıq Shańaraq kúni múnásibeti menen Shomanay rayonında bayram keshesi ótkerildi.

Bayram dáslep mektepke shekemgi bilimlendiriw shólkemleri tárbiyalanıwshılar ortasında “Meniń shańaraǵım ushın salǵan suwretim” atamasında suwret salıw jarısı hám shańaraqlardıń jetiskenlikleri kórgizbesi shólkemlestirildi.

Bayram keshesine Ózbekstan Respublikası Prezidentiniń Shomanay rayonındaǵı Xalıq qabıllawxanası baslıǵı I.Abdiraxmanov, Shomanay rayonı hákimiń orınbasarları A.Bekmuratov hám G.Temirxanovalar qatnastı.

Shomanay rayonı hákiminiń orınbasarı, Shańaraq hám hayal-qızlar bólimi baslıǵı G.Temirxanova kelgen miymanlar hám bayram qatnasıwshıların bayram múnásibeti menen qutlıqladı.

Soń Bayram múnásibeti menen ótkerilgen tańlawlarda jeńimpaz bolǵan shańaraqlar hám hayal-qızlar, sonday-aq, mektepke shekemgi bilimlendiriw shólkemi tárbiyalanıwshıları orınları boyınsha sıylıqlandı.

Bayram Mádeniyat bólimi xızmetkerleriniń koncert baǵdarlaması menen dawam etti.

Shomanay rayonı hákimligi málimleme xızmeti.