Kishi kólemli kemeler degenimiz — tiykarǵı dvigatelleriniń quwatlıǵı 55 kVt (75 at kúshi) hám 12 puqaradan kóp bolmaǵan jolawshı sıyatuǵın ózi júrer kemeler, kóterme motorlı kemeler, suw motociklları (gidrocikllar), júk kóteriw qábileti 80 registr tonnadan artıq bolmaǵan ózi júrer kemeler (eskekli qayıqlar hám suw velosipedleri), jelkenli kemeler hawa basımı menen toltırılatuǵın yaki jel beriletuǵın motorsız eskekli kemeler bolıp esaplandı.
Ózbekstan Respublikası Ministrler Kabinetiniń 2021-jıl 02-avgust kúngi “Kishi kólemli kemelerden qáwipsiz paydalanıwdı támiyinlew is-ilájları haqqında” ǵı 484-sanlı qararı qabıl etildi.
Qarar tiykarında Kishi kólemli kemelerdi dizimnen hámde texnik kórikten ótkeriw qaǵıydaları tastıyıqlandı.
Qaǵıyda talapları tiykarında fizikalıq hám yuridikalıq shaxslar tárepinen kishi kѳlemli kemeler satıp alınǵanda texnikalıq jaǵdayına qaramastan, dizimnen ótkeriw ushın tiyisli aymaqlıq Ayrıqsha jaǵdaylar basqarmasına 30 kún ishinde múrájaat etiliwi belgilengen.
Kemeni dizimnen ótkeriwdi Ayrıqsha jaǵdjaylar ministrliginiń “Kishi kólemli kemeler” málimleme dizimi arqalı hám ámelge asırılıwı múmkin.
Arza bir kún ishinde kórip shıǵıladı. Soń, kishi kólemli keme dáslepki texnik kórikten ótkeriledi hám keme bileti hújjetlestiriledi.
Kemelerdi dizimnen ótkeriw ushın tómendegi tólemler óndiriledi:
motorlı kishi kólemli kemelerdi dizimnen ótkeriw (qayta dizimnen ótkeriw)
–bazalıq esaplaw muǵdarınıń
20 procenti;
motorsız kishi kólemli kemelerdi dizimnen ótkeriw (qayta dizimnen ótkeriw)
–bazalıq esaplaw muǵdarınıń
10 procenti;
keme bileti dublikatın beriw bazalıq esaplaw muǵdarınıń
10 procenti muǵdarında.
Dizimnen ótkerilmegen kemelerden paydalanıw qadaǵan etiledi.
Ózbekstan Respublikası Hákimshilik juwapkershilik haqqındaǵı kodeskiniń XI-bap 119-statyasına muwapıq kishi kólemli kemeler mámleketlik inspekciyası qadaǵalawındaǵı kishi kólemli kemelerdi dizimnen ótkeriw hám esapqa alıw qaǵıydaların buzǵanlıq ushın
-puqaralarǵa eń kem is haqısınıń onnan bir bóleginen ekiden bir bólegine shekem, yuridikalıq shaxslarǵa
– ekiden bir bóleginen bir esesi muǵdarında járiyma salıwga sebep boladı.
Húrmetli fizikalıq hám yuridikalıq shaxslar ózińizde bar bolǵan kishi kólemli kemelerden Nızamlı hám qáwipsiz ráwishte paydalanıw hámde suw qáwiplerinen puqaralardıń ómiri hám den-sawlıǵın qorǵaw maqsetinde, kishi kólemli kemelerińizdi Qaraqalpaqstan Respublikası Ayrıqsha jaǵdaylar basqarması tárepinen mámleketlik dizimnen hám texnikalıq tekseriwden ótkeriwińizdi soranamız.
Mánzil: Nókis qalası, A.Utepov kóshesi nomersiz jay.
Qaraqalpaqstan Respublikası Ayrıqsha jaǵdaylar basqarması

Tel. (61) 224-70-10, (99) 337-87-63