Shomanay rayonı Kámbaǵallıqtı qısqartırıw hám bántlikke kómeklesiw bólimi tárepinen «Aybúyir» mákan puqaralar jıyınında rayondagı 13 awıl hám mákan puqaralar jıyınları baslıqları, hákim járdemshileri, hayal qızlar belsendileri hám jaslar jetekshileri qatnasında ámeliy seminar shólkemlestirildi.

Seminarǵa hákim orınbasarı, shańaraq hám hayal-qızlar menen islesiw bólimi baslıgı G.Temirxanova, Kámbaǵallıqtı qısqartırıw hám bántlikke kómeklesiw bólimi baslıǵı A.Bekbergenov, bólim baslıǵı orınbasarları B.Jumataev, R.Erejepovlar qatnastı.
Seminar tájiriybe almasıw usılında ótkerilip, máhállede hújjetler menen islesiw, atqarıw tártibi, máhálle baslıǵı, hákim járdemshileri, hayal-qızlar belsendileri hám jaslar jetekshileri tárepinen isbilermenlikti jolǵa qoyıw baǵdarında hámde hayal-qızlar belsendisiniń baslaması menen hayal-qızlardıń bántligin támiyinlew hám jaslar jetekshisiniń aymaqtaǵı jaslardıń bos waqtın mazmunlı ótkeriw boyınsha alıp barılıp atırǵan jumıslar menen jaqınnan tanısıldı. Sonıń menen birge, “Abat hám qawipsiz máhálle” principi tiykarında islenip atırǵan jumıslar úyrenildi.
Seminar dawamında aymaqta subsidiya tiykarında úskeneler alıp berilip ózin bántligin támiyinlep xalıqqa xızmet kórsetip otırǵan puqaralardıń jumısları menen sonday-aq qıytaq jerinen únemli paydalanıp otırgan shańaraqlar menen tanısıp ótti.
Seminarda pikir, usınıslar tıńlanıp, keleshektegi rejeler hám wazıypalar belgilep alındı.

Shomanay rayonı hákimligi málimleme xızmeti.