Jas áwladtı watan súyiwshilik ruwxında tárbiyalaw, ásirese jaslar arasında ádebiyattı úgit-násiyatlaw,  kitapqumarlıqtı rawajlandırıw,  bıyıl yubiley jası belgilenetuǵın jazıwshı-shayırlardıń ómir jolı, dóretiwshiligin úgit-násiyatlaw maqsetinde Shomanay rayonı XBBne qaraslı 33-sanlı ulıwma bilim beriw mektebinde «Kitap biziń dostımız!» Respublikalıq tańlawdıń Shomanay rayonlıq basqıshı bolıp ótti.

Tańlawdı Qaraqalpaqstan Respublikası Joqarǵı Keńesi deputatı Q.Nawrızov hám Respublika Ruwxıylıq hám aǵartıwshılıq orayı rayonlıq bólimi baslıǵı I.Allaniyazovlar ashıp berip, qatnasıwshılarǵa áwmetler tiledi hám tańlaw ádil tóreshiler quramı tárepinen bahalap barıldı.

Tańlaw juwmaǵında 1-orındı 20-sanlı mektep oqıwshısı Jiyenbaeva Gulayım,  2-orındı 12-sanlı mektep oqıwshısı Ashirbaeva Nargiza,  3-orındı 9-sanlı mektep oqıwshısı Jabbarbergenova Náwbahar iyeledi.

Tańlaw juwmaǵında jeńimpazlarǵa Respublika Ruwxıylıq hám aǵartıwshılıq orayı rayonlıq bólimi hám de rayonlıq Málimleme kitapxana orayı tárepinen diplom hám sawǵalar tapsırıldı.

Shomanay rayonı hákimligi málimleme xızmeti.