Shomanay rayonı «Birleshik» APJ aymaǵındaǵı 13-sanlı ulıwma bilim beriw mektebinde “Ózbekstan Respublikası Konstituciyası haqqında”ǵı Ózbekstan Respublikası Konstituciyalıq Nızamı joybarınıń mazmunın xalıqqa túsindiriw boyınsha úgit-násiyat ushırasıwı ótkerildi.

Ushırasıwda Ózbekstan Respublikası Oliy sudı sudyası M.Eshimbetov, Jınayat isleri boyınsha Shomanay rayonı sudı baslıǵı R.Nazarov, hám de Xalıq deputatları Shomanay rayonlıq Keńesi sekretariatı baslıǵı M.Esengeldievler qatnasıp, aymaqtaǵı fermer xojalıqları xızmetkerleri, mektep oqıtıwshıları hám aymaq turǵınlarına jańalanıp atırǵan Konstituciyanıń mazmunı, kiritilip atırǵan ózgerisler haqqında keń túsinik berdi.

Sońınan qatnasıwshılar menen soraw-juwaplar ótkerildi hám qatnasıwshılar ózlerin qızıqtırǵan sorawlarına juwaplar aldı.

Shomanay rayonı hákimligi Málimleme xızmeti.