#Úgit-násiyat ilajı dawam etpekte…

Shomanay rayonı «Qarabaylı» MPJ aymaǵındaǵı 32-sanlı ulıwma bilim beriw mektebinde “Ózbekstan Respublikası Konstituciyası haqqında”ǵı Ózbekstan Respublikası Konstituciyalıq Nızamı joybarınıń mazmunın xalıqqa túsindiriw boyınsha úgit-násiyat ushırasıwı bolıp ótti.

Ushırasıwǵa Ózbekstan Respublikası Oliy sudı sudyası M.Eshimbetov, Jınayat isleri boyınsha Shomanay rayonı sudı baslıǵı R.Nazarov, Xalıq deputatları Shomanay rayonlıq Keńesi sekretariatı baslıǵı M.Esengeldiev hám de rayonlıq Keńes deputatı A.Kalekovlar qatnasıp, mektep oqıtıwshıları hám aymaq turǵınlarına jańalanıp atırǵan Konstituciyanıń mazmunı, kiritilip atırǵan ózgerisler haqqında keń túsinik berdi.

Sońınan qatnasıwshılar menen soraw-juwaplar ótkerildi hám qatnasıwshılar ózlerin qızıqtırǵan sorawlarına juwaplar aldı.

Shomanay rayonı hákimligi málimleme xızmeti.