Shomanay rayonı Ádillik bólimi, Shańaraq hám hayal-qızlar bólimi menen birgelikte Ózbekstan Respublikası Konstituciyalıq Nızamı joybarı boyınsha hayal-qızlar belsendileri ushın oqıw seminarı shólkemlestirildi.

Seminarda rayonlıq Shańaraq hám hayal-qızlar bólimi baslıǵı G.Temirxanova, PXAJ bólimi baslıǵı Z.Alieva, Ádillik bólimi Yuridikalık xızmetler kórsetiw orayı baslıǵı B.Utemuratov, Yuridikalıq xızmetler kórsetiw orayı yuriskonsulti N.Kazakbaevalar qatnastı.

Jańalanıp atırǵan Konstituciya Ózbekstan jámiyetiniń evolyuciyalıq rawajlanıwınan kelip shıǵıp atırǵan turmıslıq zárúrlik bolıp, bul is mámleket, millet hám xalıq retinde keyingi qádemlerimizdi anıqlap alıwımız ushın oǵada áhmiyetli másele, ádalatlı jámiyet qurıw jolındaǵı úlken qádem bolıp tabıladı.

Konstituciya joybarındaǵı elementler sanı ámeldegi 128 den 155 ge, normalar sanı 275 den 434 ke astı. Yaǵnıy, Tiykarǵı nızamımız teksti derlik 65 payızǵa arttı hám xalqımız usınısları tiykarında jańalandı.

Konstituciyada Ózbekstan – suverenli, demokratiyalıq, huqıqıy jáne sociallıq mámleket ekeni qatań belgilep qoyılıp atır.

Jańa Konstituciyamız boyınsha tariyxımızda birinshi márte Ózbekstan – sociallıq mámleket, dep belgilenbekte. Yaǵnıy, insanǵa itibar hám de ǵamxorlıq – mámleket hám jámiyettiiń eń tiykarǵı minneti ekeni bekkemlenbekte.
Konstituciyada kámbaǵallıqtı kemeytiw, bántlikti támiyinlew, jumıssızlıqtan qorǵaw boyınsha mámleket ózine qatar jańa minnetlemeler alıwı belgilenbekte.

Ulıwma mámlekettiń sociallıq tarawdaǵı minnetlemeleri menen baylanıslı Konstituciyadagi normalar úsh ese arttırılǵan.

Shomanay rayobı hákimligi málimleme xızmeti.