Shomanay rayonı Hákimligi, Prokuratura, Májbúriy orınlaw byurosı hám Halıq bántligine kómeklesiw orayı menen birgelikte aliment tólemlerinen qarızdarlıqları bar bolǵan, shet elde jumıs islep kelgen migrantlardı hám jumıssız puqararlar ushın náwbettegi bos jumıs orınları miynet yarmarkası bolıp ótti.

Yarmarkaǵa Shomanay rayonı hákiminiń birinshi orınbasarı A.Qaljanov, rayon prokurorı aǵa járdemshisi P.Berdimuratov, Májbúriy orınlaw byurosı rayonlıq bólimi baslıǵı O.Urazbaev sonday-aq, rayon aymaǵındaǵı mákeme hám kárxana shólkem basshıları qatnastı.

Ótkerilgen yarmarkaǵa rayon aymaǵındagı mákeme hám kárxanalar, isbilermenler ózlerinde bar bolǵan 48 kárxanada 110 bos jumıs orınları menen qatnastı.

Yarmarka dawamında 55 puqara qatnasıp, sonnan 24 jumıssız puqaraǵa turaqlı jumısqa ornalasıw ushın jollamalar berilgen bolsa, qalǵan 31 puqaraǵa miynet múnásibetlerine baylanıslı huqıqıy másláhátler berildi.

Shomanay rayonı hákimligi málimleme xızmeti.