Ózbekstan Respublikası Ministrler Kabinetiniń 2022-jıl 31-oktyabr kúngi 02/1-1162-sanlı tapsırması boyınsha balalar napaqası hám materiallıq járdem máselelerin máhállebay túsindiriw hám qáte-kemshiliklerdi saplastırıw arqalı puqaralardıń múrájatleri sanın kemeyttiriw haqqında

Ózbekstan Respublikası Ministrler Kabinetiniń 2022-jıl 30-oktyabr sánesindegi 02/1-1162-sanlı tapsırmasına tiykarlanıp balalar napaqası hám materiallıq járdem máseleleri boyınsha máhállebay túsindiriw jumısların alıp barıw hám qáte-kemshiliklerdi saplastırıw arqalı puqaralardıń múrájetlerin kemeyttiriw boyınsha Shomanay rayonında byudjetten tısqarı Pensiya qorı bólimi, Xalıq bántligine kómeklesiw orayı, mámleketlik Salıq inspekciya bólimi, PXAJ bólimi, Ishki isler bólimi, Kadastr agentligi, Qorǵanıw isleri bólimi, awıl hám mákan puqaralar jıyınları baslıqları hám de hákim járdemshilerinen ibarat jumısshı toparı dúzildi.
Hár bir awıl hám mákan puqaraları baslıqları tárepinen xalıqtan napaqa tayınlaw ushın arzalardı qabıl etiwde tómendegilerdi:
-napaqa tayınlaw ushın shańaraqta jan basına dáramat muǵdarı haqqında maǵlıwmat beriw hám dáramatı joqarı bolǵanda napaqa biykar etiliwi haqqında puqaralarǵa túsinikler beriw;
-shańaraq aǵzaları quramında jumıs penen bántligi támiyinlenbegen shaxs bar ekenligine anıqlıq kiritip, bántligin rásmiylestiriw yaki Bantlikke kómeklesiw orayına múrájat etiw haqqında túsindiriw;
-shańaraqtıń ekonomikalıq jaǵdayın bilgen halda ózine toq shańaraqlar arza bergen jaǵdayda napaqa tayınlaw, biykar etiliwi haqqında túsindiriwler ótkeriw;
-birden zıyat avtomashina yaki kóshpes múlki bar shańaraqlar arza bergen waqtında, olarǵa napaqa biykar etiletuǵınlıǵı haqqında túsindiriw jumısların alıp barıw tapsırıldı.
Shomanay rayonlıq Pensiya qorı tárepinen birden-bir reestrda napaqa tayınlaw biykar etilgen shańaraqlardıń dizimin óz waqtında awıl hám mákan puqaralar jıyınlarına jetkeriliwi hám máhálle baslıqları tárepinen puqaralarǵa biykar etilgen sebeplerin túsindiriw jumısları ayma-ay shólkemlestirilip barılmaqta.
Jumısshı topar aǵzaları tárepinen hár háptede keminde bir mártede jıynalıs ótkeriledi bunda:
-ótken dáwirde máhálleler kesiminde múrájatler sanınıń ózgeriwi;
-napaqa biykar etilgen sebepleri boyınsha awıl hám mákan puqaralar jıyınları baslıqları tárepinen mámleket organlarına jetkerilgen múrájatler sheshimi boyınsha ámelge asırılǵan jumıslar dodalanadı.

Shomanay rayonı hákimligi málimleme xızmeti.