Assalawma aleykum, Húrmetli salıq tólewshiler!

«Salıqshı kómekshi» sistemasınıń mazmunı sonnan ibarat, eń aldı menen biz endi jumıs baslap atırǵan isbilermenge birinshi qádeminen, oǵan qaysı salıq rejimi qolay hám paydalı ekenligin tańlap beriwimiz zárúr. Onnan keyin bolsa, biznes subektleriniń «jasap ketiwi», yaǵnıy háreketsiz kárxanalardı qayta tiklewge, buxgalteriyasın júritiw, esabatların toltırıwı hám tapsırılıwı, qullası qanday mashqalası bolsa sheship beriw boyınsha járdem beriwge tiykarǵı itibar qaratıladı.

Yanvar ayı dawamında salıq tólewshiler tárepinen 1 mlrd 661,5 mln.sum salıq tóleniliwi reje etip belgilengen bolıp, belgilengen prognoz kórsetkishi 1 mlrd 575,8 mln.sumǵa yaǵnıy 94,8 payızǵa orınlandı.

Búgingi kúnde, tarawımızda qansha salıq nızamshılıǵın buzıw anıqlandı hám qosımsha salıq esaplandı, dep isbilermendi jazalawǵa emes, kerisinshe salıq nızamshılıǵı buzılıwı qansheli dárejede kemeygenligi hám artıqsha qárejetlerden saqlap qalıwǵa, qansha úles qosılǵanlıǵına qarap belgilenedi. Haqıyqatında salıq xızmetkeri eń aldı menen, jańa jumıs baslap atırǵan isbilermenge, birinshi qádeminen oǵan qaysı salıq rejimi qolay hám paydalı ekenligin tańlap beriwimiz zárúr.

Sonnan keyin bolsa, biznes subektleriniń «jasap ketiwi», yaǵnıy háreketsiz kárxanalardı qayta tiklewine kómek beriw, buxgalteriyasın júritiwi, esabatların toltırıw hám tapsırılıwı, qullası, qanday mashqalası bolsa sheship beriw boyınsha xızmet kórsetiwge tiykarǵı itibar qaratıwımız lazım.

Búgingi qıyın shárayatta mánzilli islewdi, hár bir isbilermen jumısına onıń qıyınshılıq hám mashqalaların túsingen halda kómekshi bolıwdı talap etedi.

Yanvar ayı dawamında “Soliq hamkor” dástúri arqalı Shomanay rayonında iskerlik alıp barıp atırǵan isbilermenlik subyektleri menen baylanıslı salıq huquqbuzarlıqlar haqqında jámi 4 múrájat kelip tústi. Olarda kóshpeli salıq tekseriwleri ótkerilip, sawda qaǵiydaları buzilǵanlıǵı tastıyıqlandı.

Isbilermenlik xızmetin endi baslap atırǵan hám de xızmeti dawamında qıyınshılıqqa dus kelgen isbilermenlik subyektlerine «Salıqshı-isbilermenge kómekshi» principi tiykarinda salıq shólkemleri tárepinen bir-qansha jumıslar amelge asırılıp kelinbekte.

«Salıqshı-isbilermenge kómekshi» principi sheńberinde Shomanay rayonındaǵı 45 isbilermenge kómeklesiw zárúrligi anıqlandı.

Búgingi kúnde qolında óneri bar yáki jeke tártipte belgili bir iskerlik penen shuǵıllanıp kiyatırǵan puqaralar kópshilikti quraydı. Olardıń ózin-ózi bánt etiw, is stajına iye bolıwı ushın salıq xizmeti organları tárepinen kómeklesip kelinbekte. Sol qatarda, usı jıldın yanvar ayı dawamında rayonda 59  puqara ózin-ózi bánt etiw sisteması arqalı dizimnen ótip, turaqlı iskerlik penen shuǵıllanıp kelmekte.

Húrmetli salıq tólewshiler! Biz salıq xızmeti organları xızmetkerleri sizlerdiń múrájatlarıńızdıń nızamlı sheshim tabıwı, iskerligińiz dawamında payda bolǵan barlıq túsinbewshiliklerge sheshim tabıwda bárqulla kómek beriwge tayyarmız.

Shomanay rayonı Mámleketlik salıq inspekciyası