Xalıq deputatları Shomanay rayonlıq Keńesiniń deputatları P.Nurgaliev, T.Ernazarov, M.Baydullaeva, B.Sagatov, S.Adakaev, B.Qdırniyazov, Z.Qaypovalar óz saylaw okrugi aymaqlarında xalıq penen ushırastı.

Ushırasıw dawamında deputatlar Ózbekstan Respublikası Prezidentiniń 2022-jıl 20-dekabrdegi Oliy Majliske hám Ózbekstan xalqına jollaǵan Múrájatnamasınıń mazmunı hám 2022-jıl 31-avgust kúngi «Qaraqalpaqstan Respublikasınıń isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın asırıwdıń qosımsha ilajları haqqında»ǵı PP-213-sanlı Prezident pármanı tiykarında berilgen jeńillikler haqqında túsinik jumısların alıp bardı.

Deputatlar ushırasıwdan soń úyme-úy júrip, puqaralardıń múrájatlerin tıńlap, olardıń mashqalaların úyrendi.

Shomanay rayonı hákimligi Málimleme xızmeti.
?Veb-sayt?yutube ?fakebook ✅instagram✅telegram