DUPUTATLAR ORÍNLARDA ÚGIT-NÁSIYAT ILAJLARÍN ALÍP BARMAQTA…

Shomanay rayonında Qaraqalpaqstan Respublikası Joqarǵı Keńesi hám rayonlıq Keńes deputatları qatnasında Prezidentimiz tárepinen qabıllanǵan Qarar hám Pármanlardıń mazmunın xalıqqa túsindiriw boyınsha úgit-násiyat ushırasıw bolıp ótti.

Ushırasıwda Xalıq deputatları Shomanay rayonlıq Keńesi sekretariatı baslıǵı Maxmud Esengeldiev sózge shıǵıp, Ózbekstan Respublikası Prezidenti Sh.M.Mirziyoevtıń 2022-jıl 20-dekabrdegi Oliy Majliske hám Ózbekstan xalqına jollaǵan Múrájatnamasında belgilengen wazıypalar hám 2022-jıl 31-avgusttaǵı «Qaraqalpaqstan Respublikasında isbilermenlik, innovaciyalıq texnologiyalar hám infrastrukturanı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında»ǵı PP-213-sanlı Prezident pármanı menen Qaraqalpaqstan Respublikası ushın berilip atırǵan jeńilliklerdiń mazmunı boyınsha ilaj qatnasıwshılarına keń túsinik berdi.

Ushırasıwda qatnasqan Qaraqalpaqstan Respublikası Joqarǵı Keńesi deputatı Qalbay Nawrızov sońǵı jıllarda mámleketimizde sonıń ishinde Qaraqalpaqstan Respublikasında ámelge asırılıp atırǵan jańalanıwlar, sociallıq hám ekonomikalıq tarawlardaǵı rawajlanıwlar haqqında aytıp ótti.
Ushırasıw dawamında qatnasıwshılar ózlerin qızıqtırǵan sorawlarına juwaplar aldı.
Shomanay rayonı hákimligi málimleme xızmeti