Qaraqalpaqstan Respublikası Joqarǵı Keńesi tárepinen belgilengen jol kartasına muwapıq, Shomanay rayonı hákimliginiń májilisler zalında Xalıq deputatları qalalıq hám rayonlıq Keńesleri deputatlarınıń iskerligin jánede asırıw, puqaralar jıyınları baslıqlarınıń turaqlı túrde tájiriybe almasıw hám mamanlıǵın asırıw maqsetinde «Ózbekstan Respublikası Prezidentiniń Oliy Majliske hám Ózbekstan xalqına Múrájatnamasınıń mazmun-áhmiyeti hám de onda belgilengen wazıypalardı ámelge asırıwda wákillikli uyımlardıń roli» atamasında oqıw-seminarı ótkerildi.

Seminarda rayonlıq Keńes deputatları, siyasiy partiya wákilleri hám puqaralar jıyınları baslıqları qatnastı.

Oqıw-seminar baǵdarlamasındaǵı máseleler boyınsha Ózbekstan XDP Qaraqalpaqstan Respublikalıq Keńesinen kelgen bayanatshılar N.Ganiev, N.Qshanov, «Qaraqalpaqstan hawazı» gazetası bas redaktorı M.Qutlimuratov hám de rayonlıq Ádillik bólimi baslıǵı E.Qannazarov seminar qatnasıwshılarına rayonlıq Keńesleri deputatları hám puqaralar jıyınları baslıqlarınıń iskerligin nátiyjeli shólkemlestiriw jolları haqqında túsinik berip ótti.

Shomanay rayonı hákimligi málimleme xızmeti